![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/bc/%25E5%259B%25BD%25E5%25AE%25B65A%25E7%25BA%25A7%25E6%2599%25AF%25E5%258C%25BA%25E5%2588%2586%25E5%25B8%2583%25E5%259B%25BE.jpg/640px-%25E5%259B%25BD%25E5%25AE%25B65A%25E7%25BA%25A7%25E6%2599%25AF%25E5%258C%25BA%25E5%2588%2586%25E5%25B8%2583%25E5%259B%25BE.jpg&w=640&q=50)
AAAAA naturskjønne område i Kina
From Wikipedia, the free encyclopedia
AAAAA (5A) er ei utnemning gjeven til dei viktigaste og best ivaretekne naturskjønne turistmåla i Kina. Det er det høgaste nivået i klassifiseringa brukt av det kinesiske kultur- og turismedepartementet. I 2020 var det 279 attraksjonar klassifiserte som 5A.[1]
![Thumb image](http://upload.wikimedia.org/wikipedia/commons/thumb/b/bc/%E5%9B%BD%E5%AE%B65A%E7%BA%A7%E6%99%AF%E5%8C%BA%E5%88%86%E5%B8%83%E5%9B%BE.jpg/640px-%E5%9B%BD%E5%AE%B65A%E7%BA%A7%E6%99%AF%E5%8C%BA%E5%88%86%E5%B8%83%E5%9B%BE.jpg)
Opphavet til vurderingssystemet for turistattraksjonar er basert på kriterium som først blei sett opp i 1999 av den nasjonale turismeadministrajsonen i Kina (forgjengaren til det noverande kultur- og reiselivsdepartementet) og revidert i 2004.[2] Kriteria inkluderer kvalitets- og styringsfaktorar som transportsamband, tryggleik, rensemd og liknande, og tar òg omsyn til kor særeige og kjent staden er.[3] Turistattraksjonar blir rangerte etter kriterium på ein skala som opphavleg gjekk frå A til AAAA med AAAAA eller 5A lagt til seinare som den høgaste karakteren. Ei gruppe på 66 turistattraksjonar blei sertifiserte som den første gruppa AAAAA-rangerte turistattraksjonar i 2007. Den første omgangen inkluderte mange av dei mest ikoniske historiske stadene i Kina, som Den forbodne byen og Sommarpalasset. Fleire grupper blei lagt til seinare, inkludert 20 nye 5A-område i februar 2017[4] Ved sjelnde høve har nokre stader blitt nedgraderte frå den høgaste kategorien på grunn av manglar i turistopplevinga.[5]