1930-åra
tiår / From Wikipedia, the free encyclopedia
1930-åra var eit tiår på 1900-talet. Det er knytt til den store depresjonen, ei økonomisk krise som råka fleire land og medførte at det internasjonale finanssystemet braut saman. Franklin D. Roosevelt blei vald til amerikansk president i 1933, og innførte ei rekkje økonomiske og sosiale program kjende som New Deal som respons på krisa. I andre land kom autoritære leiarar til makta, som Adolf Hitler i Tyskland. Han rusta opp landet militært og stod for ei rad anneksjonar og åtak på naboterritorium, der det siste av desse, åtaket på Polen 1. september 1939, førte til utbrotet av andre verdskrigen.