From Wikipedia, the free encyclopedia
'Anata (arabisk skrift عناتا, hebraisk skrift ענאתא) er ein palestinsk by i Jerusalem guvernement, sentralt på Vestbreidda, fire kilometer nordaust for Gamlebyen i Jerusalem. I følgje Palestinsk statistisk sentralbyrå hadde 'Anata eit folketal på 9 600 i 2006.[2] Sidan 1967 har 'Anata vore okkupert av Israel. Landsbyen er avskoren frå Jerusalem av separasjonsmuren i vest, som vart bygd i 2004 på konfiskert palestinsk land. Han er avskoren frå resten av Vestbreidda av israelske busetjingar i aust.
'Anata | |||
عناتا, Anata | |||
kommune | |||
Namneopphav: Anata, førenamn[1] | |||
Land | ![]() | ||
---|---|---|---|
Guvernement | Jerusalem guvernement | ||
Koordinatar | 31°48′46″N 35°15′43″E | ||
Areal | 30,6 km² | ||
Folketal | 9 600 (2006) | ||
Folketettleik | 314 / km² | ||
Borgarmeister | Mohammad Mahmoud al-Rifai | ||
![]() 'Anata 31.812777777778°N 35.261944444444°E | |||
Wikimedia Commons: Anata | |||
'Anata er ein landsby på ein eldgammal stad, og fleire gamle bygningsmateriale er brukt om att i husa som står der i dag. Det er òg funne cisterner hogde ut i berget, i lag med grotter og eldgamle jordbruksterrassar.[3] Edward Robinson identifiserte 'Anata som den bibelske Anathoth, fødestaden til Jeremia.[4]
Ruinane av ei bysantinsk kyrkje ligg i byen, så ein trur staden var busett før den muslimske erobringa av Palestina av Rashidun-kalifatet.[5][6] Under den muslimske kringsetjinga av Jerusalem mot krossfararane, slo generalen og sultanen til ajjubidane, Saladin, leir i 'Anata før han gjekk vidare mot Jerusalem.
Landsbyen vart ein del av Det osmanske riket i 1517 i lag med resten av Palestina, og i 1596 stod 'Anata oppført i osmanske skattelister som ein del av Quds nahiya i Quds liwa. Han hadde eit folketal på 10 muslimske hushaldningar, og betalte skatt for kveite, bygg, sommaravlingar, oliventre, frukttre, geiter og/eller bikubar.[7]
Landsbyen vart øydelagd av Ibrahim Pasha i 1832 etter eit pro-osmansk arabararopprøret mot det egyptiske styret. Då staden vart vitja av W. M. Thomson i 1850-åra, skildra han staden som ei «lita grend, delvis i ruinar, men han var ein gong mykje større, og verkar å ha hatt murar kring seg. Ein kan framleis sjå bitar av muren.»[8]
Den franske oppdagaren Victor Guérin vitja landsbyen i 1863, og skildra han som ein liten stad, på ein ås, med kring 200 innbyggjarar.[9]
I 1883 skildra Palestine Exploration Fund i Survey of Western Palestine staden som ein «mellomstor landsby med hus i stein. Han står på ein rygg med fin utsikt mot nord og aust. Det står nokre få oliventre kring landsbyen, og ein brunn i vest og ein annan i søraust.»[10]
I folketeljinga i 1922 hadde 'Anata eit folketal på 285, alle muslimar.[11] Dette auka i 1931 til 438, framleis alle muslimar, i 98 hus.[12]
I 1945 'Anata eit folketal på 540, alle arabarar, med 18 496 mål land, i følgje ei offisiell landmåling.[13] Av dette var 353 mål var plantasjar og irrigert land, 2 645 nytta for korn,[14] medan 35 mål vart utbygd land.[15]
Etter den arabisk-israelske krigen i 1948 kom 'Anata under Jordan sitt styre.
Sidan seksdagarskrigen i 1967 har 'Anata vore under israelsk okkupasjon.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.