Ølsfjorden
From Wikipedia, the free encyclopedia
Ølsfjorden er ein sidefjord til Bjoafjorden i Vindafjord kommune i Rogaland. Dei yste delane av fjorden ligg òg i Etne kommune i Hordaland. Etnefjorden er ein sidefjord av Ølsfjorden som går austover til Etne. Fjorden har innløp i nord mellom Sardaneset i Etne i aust og Stavanes i vest. Han strekkjer seg 8 km inn til Ølsvågen. Fjorden går først rett sørover, før han etter 5 km brått snur vestover.
![Thumb image](http://upload.wikimedia.org/wikipedia/commons/thumb/c/c7/OlenFlyfoto_300_200.jpg/220px-OlenFlyfoto_300_200.jpg)
I det søraustre hjørnet av fjorden ligg tettstaden Ølen. Området rett utanfor Ølen vert kalla Ølensjøen. 3 km lenger vest ligg bygda Ølensvåg i botn av fjorden. På nordsida av Ølsvågen ligg Bergesneset industriområde og Ølen Betong.