![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/01/Detailed_SVG_map_of_the_Russophone_world.svg/langnew-640px-Detailed_SVG_map_of_the_Russophone_world.svg.png&w=640&q=50)
रूसी भाषा
From Wikipedia, the free encyclopedia
रूसी भाषा (Russian: русский язык,रूस्किय् यज़ीक् ) - पूर्वी स्लाभिक भाषाय् दकले प्रचलित भाषा ख। रूसी युरोपया छगु मू भाषा ख। नापं, हलिंया मू भाषातयेगु दथुइ थुकिया विशेष थाय् दु। भौगोलिक रुपं रूसी खंल्हाइपिनिगु आपा जनसंख्या युरोप स्वया एशियाय् दु।
रूसी | |
---|---|
русский язык (russkiy yazyk) | |
उच्चारण | [ˈrusʲkʲɪj jɪˈzɨk] |
मू भाषी जनसंख्या | रूसी संघ, बेलारूस, लातविया, लिथुआनिया, एस्टोनिया, कज़ाकिस्तान, क़िर्गिस्तान, उक्राइना, जार्जिया, अर्मीनिया, अज़रबैजान, माल्दोवा, जर्मनी, संयुक्त राज्य अमेरिका, क्यानाडा, ताजिकिस्तान, उज़्बेकिस्तान |
Native speakers | ३० - ३५ कोटी (date missing) |
Default
| |
भाषा कोड | |
ISO 639-1 | ru |
ISO 639-2 | rus |
ISO 639-3 | rus |
भाषिक क्षेत्र |
53-AAA-ea < 53-AAA-e (varieties: 53-AAA-eaa to 53-AAA-eat) |
![]() हलिमय् रूसी भाषाया प्रभाव |
रूसी भाषा रूसी संघया आधिकारिक भाषा ख। थ्व नापं बेलारूस, कज़ाकिस्तान, क़िर्गिस्तान, युक्रेन स्वायत्त जनतंत्र क्रीमिया, जॉर्जियाई अस्वीकृत जनतंत्र अब्ख़ाज़िया व दक्षिणी ओसेतिया, मल्दावियाई अस्वीकृत जनतंत्र ट्रांसनीस्ट्रिया (नीस्टरया क्षेत्र) व स्वायत्त जनतंत्र गगऊज़िया नामक देय्तयेगु व जनतंत्रतय् रूसी भाषा सहायक आधिकारिक भाषाया रुपय् कायेगु या।
रूसी भूतपूर्व सोवियत संघया सकल १५ सोभियत समाजवादी गणतन्त्रतयेगु राजकीय भाषा ख। सन् 1991स सोभियत संघया विघटन धुंका नं थ्व दक्वं आधुनिक स्वतन्त्र देय्य् नं थः-थःगु राष्ट्रीय भाषात नाप परस्पर आपसी व्यवहारया निंतिं स्वापू भाय्या रूपय् रूसी भाषा छ्येलिगु या। थ्व १५ देय्य् च्वानिपिं मनुतयेगु दथुइ नं यक्वया मांभाय् रूसी ख।
हलिंया थी-थी देशय् (इजरायल, जर्मनी, संयुक्त राज्य अमेरिका, क्यानाडा, टर्की, अस्ट्रेलिया आदि) भूतपूर्व सोभियत संघ वा रूसया प्रवासी च्वनिगु या, अन यक्व थासय् रूसी बुखँपौ पिथनि, व रूसी भाषाय् रेडियो व टिभि ज्याखं व ब्वंकुथिइ रूसी भाषा स्यनेगु या। छुं दं न्हापा तक्क पूर्वी यूरोपियन देय्या ब्वंकुथिइ रूसी भाषा विदेशी भाषाया रूपय् ब्वंकिगु या। सकल हलिमय् रूसी भाषाय् खंल्हाइ पिनिगु ल्या ३० - ३५ कोटी दु, गुकिलि 16 कोटीया थ्व भाय् माँभाय् ख। थुकिया आधारय् रूसी हलिंया अप्व मनुतायेसं ल्हाइगु भाषाय् न्यागुगु थासय् व संयुक्त राष्ट्र (UN)या आधिकारिक भाषाय् छगु ख।