![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/af/Arabic_speaking_world.svg/langnew-640px-Arabic_speaking_world.svg.png&w=640&q=50)
अरबी भाषा
From Wikipedia, the free encyclopedia
अरबी भाषा वा अरबी भासा हलिंया दकलय् व्यापक रूपं ल्हाइगु सेमेटिक भाषा ख। नापं, हलिमय् दकलय् आपा ल्हाइगु भासय् छगू भासा ख। थ्व भाय् ४६७ मिलियन स्वया अप्व मनूतेसं ल्हाइ। थ्व भाय् आपालं अरब हलिमय् ल्हाइगु जुसां थ्व भाय् इरान, तर्की, चाड , माली, सेनेगल, इरिट्रिया, इथियोपिया, दक्षिण सूडान थें न्याःगु मेमेगु देसय् नं ल्हाइगु या। हलिंया दकलय् अप्व मनूतेसं ल्हाइगु भासाया धलखय् थ्व भाय् ५गू थासय् ला। नापं, हलिंया थीथी देसय् आधिकारिक भाषाया मान्यता दूगु धलखय् थ्व भाय् स्वंगु थासय् ला। थ्व भाय्यात २७गू देसं आधिकारिक भाषाया रूपय् मान्यता बियातःगु दु अरबी भाषा मुस्मांतेगु धर्म भाषा ख। मुस्मांतेगु ग्रन्थ कुरान थ्व हे भासय् च्वयातःगु दु। नापं, मुस्मांतेगु प्रार्थना, पूजा व धार्मिक अनुष्ठानय् याइगु इस्लामी कृत्य थ्व हे भासय् जुइ। अरबी अरब हलिंया इसाइ चर्चया नं मू भाषा ख। नापं, मध्य युगय् यक्व महत्वपूर्ण यहूदी धार्मिक व बौद्धिक च्वखँ थ्व हे भासय् च्वयातःगु दु। अरब साम्राज्यं थीथी देसय् इस्लामया प्रसार याःबिले अरबी भाषाया स्थिति बांलाना वन। मुस्मांतेसं शासित देसय् यक्व शताब्दि तक थ्व भाय् राजनीति, विज्ञान व साहित्यया भाषा जुयाच्वन। अरबी भाषा इस्लामी हलिंया मेमेगु भाषात दसु तर्कीश, फारसी, तमाजाइट, कुर्दिश, उर्दू, भासा मलय, इन्दोनेशियन, अल्बानियन व अन्य अफ्रीकी भाषात दसु हौसा, स्वाहिलीइ नं प्रत्यक्ष व अप्रत्यक्ष प्रभाव दयेकूगु दु। तिगरि, अम्हारिक, व सोमाली नापं छुं यूरोपियन भासय्, विशेष रूपं भूमध्यसागरीय भासा, दसु स्पेनिश, पोर्चुगिज, माल्तिज व सिसिलियन भासय् अरबी भासाया त्या खँग्वः आया इलय् नं खनेदु। थ्व भाय्या छुं खँग्वः अंग्रेजी व मेमेगु भासाय् दुथ्याधुंकूगु दु। अंग्रेजी खँग्वः दसु एडमिरल, त्यारिफ, अल्कोहल, अल्जेब्रा थ्व हे भाय्या खँग्वलं बुयावःगु खँग्वः ख। थ्व भासायात इस्लामिक देय् व अरब हलिंया सीमानाय् दूगु अफ्रिकन देसय् आधिकारिक वा अनौपचारिक रूपं स्यनेगु या।
अरबी | |
---|---|
العربية al-‘arabiyyah | |
![]() | |
उच्चारण | /alˌʕa.raˈbij.ja/ |
मू भाषी जनसंख्या | अल्जेरिया, बहरायन, इजिप्ट, ईराक, जोर्डन, कुवेत, लेबानन, लिब्या, माउरीतानिया, मोरक्को, ओमान, कतार, [साउदी अरब]], सुडान, सिरिया, ट्युनिसिया, संयुक्त अरब इमिरेट, प्यालेस्टाइन, पश्चिम सहारा, यमनय् बहुसंख्यकतेसं व इजरायल व इरानय् अल्पसंख्यकतेसं |
Region | अरब हलिम |
Native speakers | २७ कोटी (२०.६ कोटी एथ्नोलग कथं,१९९८ अनुमान); ३२.३ कोटी (अरब देय् तेगु जनसंख्या, सि आइ ए वर्ल्ड फ्याक्टबूककथं २००६ अनुमान), मेमेगु देय् य् अरब अल्पसंख्यक व बहुभाषिक मनुतेत ल्या मखासें (date missing) |
अफ्रो-एसियातिक भाषा परिवार
| |
अरबी लिपि | |
आधिकारिक अवस्था | |
आधिकारिक मान्यता |
अल्जेरिया, बहरिन, कोमोरोस, चाड, जिबुटी, इजिप्ट, एरिट्रिया, इराक, इजरायल, जोर्डन, कुवेत, लेबानन, लिब्या, माउरीतानिया, मोरक्को, ओमान, प्याल्व्स्टाइन, कतार, पश्चिमी सहारा, साउदी अरब, सुडान, सिरिया, ट्युनिसिया, संयुक्त अरब एमिरेट, यमन;
|
भाषा नियमन संस्था | इजिप्ट: एकेडमी अफ अरब लीग |
भाषा कोड | |
ISO 639-1 | ar |
ISO 639-2 | ara |
ISO 639-3 |
ara – अरबी (जेनेरिक) थेथे कोडयु लागि अरबीयागु भाषिका स्वयादिसं |
![]() अरबी भाषा जक्क छ्येलिगु थाय् (वांगु) व अरबी भाय् नं छ्येलिगु थाय् (वचुगु)। |
थ्व भासा संयुक्त राष्ट्र संघया खुगु आधिकारिक भाषाय् छगू भासा नं ख। संयुक्त राष्ट्रय् ज्याया भाषाया कथं अरबीयात दुथ्याःगु तिथिया कथं दिसेम्बर १८यात अन्तर्राष्ट्रीय अरबी भाषा दिवसया कथं हनिगु या।
अरबी भासय् २८गू आखः दु। छुं भाषाविद कथं हम्ज़ा आखःयात नं अरबी आखलय् स्वाना २९गू आखः दयेकेमा दैगु विचार दु। अरबी भासा जवं खवे व च्वं क्वय् च्वइगु याइ।