न्यु यर्क संयुक्त राज्य अमेरिकाया दकलय् अप्व जनसंख्या दूगु नगर ख। नापं, थ्व नगर न्यु यर्क महानगर क्षेत्रया केन्द ख। थ्व महानगर हलिमया दकलय् तःधंगु नगरी क्षेत्रय् छगू ख। थ्व नगरयात अंग्रेजीइ न्यु यर्क सिति वा सिति अफ न्यु यर्क धाइ। थ्व नगरया नां थ्व नगर दूगु राज्यया नां न्यु यर्कनाप ज्वखाःगुलिं थथे धाइगु ख। हलिंया शक्तिशाली नगरया रुपय् न्यु यर्कं हलिमया बनय्‌ज्या, वित्त, मिदिया, कला, फेसन, मालेज्या, प्रविधि, ब्वनेज्या, व मनोरञ्जनय् यक्व प्रभाव या। संयुक्त राष्ट्र संघया मुख्यालय दूगु नगर जूगुलिं न्यु यर्क कूटनीतिया ख्यलय् महत्त्वपूर्ण नगर ख। नापं, थ्व नगरयात हलिमया सांस्कृतिक राजधानीया रुपय् नं वर्णन याःगु दु।