From Wikipedia, the free encyclopedia
गां विकास समिति (खँय् भासय्: गाउं विकास समिति) नेपाःया छगू प्रशासनिक इकाइ ख। थुकियात चिहाकलं गाविस धकाः नं च्वयेगु या। थ्व प्रशासनिक इकाइ जिल्लाया अधीनय् ला। नापं, थुकिया अधीनय् वडा (वा वार्ड) ला। गाविसय् ज्या यायेत निर्वाचनया पद्धतिं गाविस अध्यक्ष व सदस्यत गाविसया जनतातेसं चयन यायेगु या। गाविसय् साधारनकथं ७गू निसें ९गू वडा दयाच्वनि। गाविसय् थीथी मन्त्रालयया अधीनया ज्या जुइगु जुसां स्थानीय विकास मन्त्रालय नाप थुकिया क्वातुगु स्वापू दयाच्वनि। गाविसया मू ज्याय् गांया लं, लः, धः, उसाँय्, सुरक्षा आदिया सामान्य व्यवस्थापन यायेगु निसें वृद्ध व असहाय भत्ता बीगु, जन्म, मृत्यु, इहिपा, बसांइसराइ आदिया दर्ता यायेगु ज्या तक्क ला। गाविस आर्थिक रुपं यक्व चलयमान जुसाः व गाविसय् भौतिक पूर्वाधार व सुविधा निश्चित स्तर स्वया थाहां वंसाः गाविसयात नगर घोषणा याइ।
नेपालय् थीथी ईलय् गाविसतयेत नगरय् परिणत यायेगु ज्या जुयाच्वंगु दु। थ्व धलः सन् २००१या जनगणना कथंया गाविसतेगु धलः ख। वर्तमानय् नगरय् हिलावनेधुंकूगु गाविसत दःसा अन्याःगु गाविसया सिथय् छगू कोष्ठक "(वर्तमानय् मदूगु)" चिं तयाः गाविस मदयावने धुंकूगु व ऐतिहासिक कारणं जक्क थ्व धलखय् दुथ्याःगु धका क्यनेगु कुतः यानातःगु दु।
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.