हिपोक्रेतिज्
From Wikipedia, the free encyclopedia
हिपोक्रेतिज् कोसमि (यवन: Ἱπποκράτης, आइपिए उच्चारण:hɪˈpɒkrəˌtiːz, करिब ४६० इपू – करिब ३७० इपू); पेरिकल्सया युगया छम्ह प्राचीन युनानी चिकित्सक ख। वय्कःयात चिकित्साया इतिहासया दक्ले विलक्षण व्यक्तित्वय् छम्हया कथं नालेगु या। वय्कःयात चिकित्साया अबुया कथं नं नालेगु या। [2] [3] [4] वय्कःया बौद्धिक स्कुलं प्राचीन यवनया चिकित्साय् हिउपा हल। वय्कःया स्कुलं चिकित्सायात छगू निश्चित विधाया रुपय् पलिस्था यात व थुकियात विचाः व चिन्तनं सीमांकृत यात। थ्व कथं वय्कलं चिकित्सायात छगू बौद्धिक व्यवसाय दयेकादिल। [5][6]
हिपोक्रेतिज् कोसमि (प्राचीन यवन: Ἱπποκράτης) | |
---|---|
Engraving by Peter Paul Rubens, 1638, courtesy of the National Library of Medicine.[1] | |
बूगु | करिब ४६० इ पू कोस, यवन |
मदूगु | करिब ३७० इ पू लारिसा, यवन |
ज्या | चिकित्सक |
वय्कःया च्वसु व वय्कः धुंकाया वय्कःया पद्धति छ्यलिपिं चिकित्सकतयेगु च्वसु ल्वाकज्या। थुकियात मंका कथं हिपोक्र्याटिक ग्रन्थ धाइगु या। च्वसु ल्वाकज्यागुलिं वय्कःया चिकित्सा सम्बन्धि विचा, वय्कःया व्यक्तिगत अनुभूति आदि थें न्याःगु वय्कःया चिकित्सा जीवनया पक्ष धाःसा प्रस्ट मजु। अथेजुसां, हिपोक्रेतिज्यात प्राचीन चिकित्साया सर्वोच्च चिकित्सकया रुपय् नालेगु या। निश्चित कथं वय्कःयात क्लिनिकल चिकित्साया व्यवस्थापित अध्ययनया निंतिं, वय्कः स्वया न्हापा चिकित्साया ज्ञानया सार दयेकेत व चिकित्सकतयेगु सपथ हिपोक्र्याटिक ओथ आदिया निंतिं लुमंकिगु या। [5] [7]