![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/98/Pablo_picasso_1.jpg/640px-Pablo_picasso_1.jpg&w=640&q=50)
पाब्लो पिकासो
From Wikipedia, the free encyclopedia
पाब्लो रुइज़ पिकासो (25 अक्टोबर 1881स मालागा, स्पेनय् - 8 अप्रिल 1973) छम्ह स्पेनिश किपामि व मूर्तिकार ख। वय्कःयात 20गु शताब्दीया महान कलाकारय् छम्ह नालेगु या। [1] वय्कःया पूवंगु नां पाब्लो डिएगो होसे फ्रांसिस्को डी पाउला हुआन नेपोमुसेनो मारिया डे लॉस रेमेदियोस सिप्रिआनो डे ला सान्तिसिमा त्रिनिदाद क्लितो रुइज़ इ पिकासो ख। [2] [3] वय्कःयात कयुबिजमया सह-पलिस्थामिया कथं दकले नांजा। [1] क्यूबिजम धाःगु कलाकारं वस्तुतयेत त्वथुला अमूर्त व ज्यामितीय रूपय् पुनर्संरचना याइगु कलाया विधा ख। [4] [5] पाब्लो पिकासों 20,000 स्वया अप्व किपा दयेकादिल। [6]
![Thumb image](http://upload.wikimedia.org/wikipedia/commons/thumb/9/98/Pablo_picasso_1.jpg/640px-Pablo_picasso_1.jpg)
![Signatur Pablo Picasso](http://upload.wikimedia.org/wikipedia/commons/thumb/6/6c/Picasso_Signatur-DuMont_1977.svg/640px-Picasso_Signatur-DuMont_1977.svg.png)
पिकासों मचा बिलेनिसें किपा च्वेगु व रंग तयेगु यायेस। वय्कःया न्हापांगु खं lápiz, "च्वसा"या निंति स्पेनिश खंग्वः ख। [7] [8]
सम्भवतः वय्कःया दकले नांजागु किपा Guernica ख गुकिलि Guernicaया नगरया बमबारी धुँकाया हताःया भयावहता क्यं। [9]
वय्कः 90 दं दुबिले वय्कःया छुं ज्या पेरिसया लूभय् में छगु प्रदर्शनीइ क्यन। लूभय् थःगु कला प्रदर्शित याइम्ह वय्कः दकले न्हापांम्ह कलाकार ख। [10]
पिकासोया स्वम्ह मिसां प्यम्ह मचा दु। वय्कः 8 अप्रिल सन् 1973स नुगःया विफलता जुया मदियादिल।