दक्षिण अन्डमन जिल्ला

दक्षिण अन्डमन जिल्ला बङ्गालको खाडीमा अवस्थित भारतीय केन्द्र शासित प्रदेश अन्डमन र निकोबार द्वीपसमूहको ३ जिल्लाहरू मध्ये एक हो। पोर्ट ब्लेयर, केन्द्र शासित प्रदेशको राजधानी जिल्ला मुख्यालय हो। यस जिल्लाले ओगटेको क्षेत्रफल २,६४० वर्ग किलोमिटर रहेको छ।

दक्षिण अन्डमन जिल्ला
अन्डमन र निकोबार द्वीपसमूहको जिल्ला
दक्षिण अन्डमन जिल्ला अन्डमन र निकोबार द्वीपसमूहको नक्सा देखाउनुहोस् दक्षिण अन्डमन जिल्ला भारतको नक्सा देखाउनुहोस्
निर्देशाङ्क: ११°४०′१२″उ॰ ९२°४४′२४″पू॰
देश	भारत
केन्द्र शासित प्रदेश	अन्डमन र निकोबार द्वीपसमूह
मुख्यालय	पोर्ट ब्लेयर
समय क्षेत्र	युटिसी+५:३० (भारतीय मानक समय)
वेबसाइट	southandaman.nic.in

इतिहास

यो जिल्ला १८ अगष्ट २००६ मा तत्कालीन अन्डमन जिल्लालाई विभाजन गरेर बनाइएको थियो। दक्षिण अन्डमन जिल्लाले ३,१८१ वर्ग किलोमिटर (१,२२८ वर्ग माइल) क्षेत्रफल ओगटेको छ, जुन तुलनात्मक रूपमा क्यानाडाको म्यान्सेल टापुको बराबर हो।^[1]

जनसाङ्ख्यिकी

सन् २०११ को जनगणना अनुसार दक्षिण अन्डमन जिल्लाको जनसङ्ख्या २,३८,१४२ रहेको छ, जुन लगभग वानुआतु राष्ट्रको बराबर हो। यसले यसलाई भारतमा ५८४औँ स्थान (कुल ६४० मध्ये) प्रदान गर्दछ। यस जिल्लाको जनघनत्व ८० प्रति वर्ग किलोमिटर (२१०/वर्ग माइल) रहेको छ। सन् २००१–२०११ को दशकमा यहाँको जनसङ्ख्या वृद्धिदर १३.९७ प्रतिशत थियो। दक्षिण अन्डमनमा प्रति १० पुरुषमा ८७४ महिलाको लिंग अनुपात रहेको छ भने साक्षरता दर ८८.४९% रहेको छ।^[2]

सन् २०११ को जनगणना अनुसार, बङ्गाली लाई यस जिल्लाको जनसङ्ख्याको २१.०७ प्रतिशतले पहिलो भाषाको रूपमा बोल्दछन्, त्यसपछि तमिल (२०.७०%), हिन्दी (१८.४०%), तेलगु (१७.६६%), मलयालम (९.८५%), सदरी (३.३४%), उराँव (३.०७%), निकोबारी (१.६७%) र अन्य।^[3]

सन्दर्भ सामग्रीहरू

1. "Island Directory Tables: Islands by Land Area", United Nations Environment Program, १९९८-०२-१८, अन्तिम पहुँच २०११-१०-११, "Mansel Island 2,640km2"
2. "District Census 2011", Census2011.co.in, २०११, अन्तिम पहुँच २०११-०९-३०।
3. "C-16 Population By Mother Tongue", Census of India 2011, Office of the Registrar General।