From Wikipedia, the free encyclopedia
Langweer (Fries: Langwar) is een dörp in de gemiente De Friese Meren, legen in de Nederlaanse perveensie Frieslaand an de raand van et meer de Langweerderwielen. Et dörp het omdebi'j 976 inwoners. In Langweer staot de stins Osinga State, et oolde gemientehuus van de veurmaolige gemiente Doniawerstal, en et veurmaolig waoggebouw. Et beheurde tot 2014 tot de vroggere gemiente Scharsterlaand.
Langweer is een oold dörp mit een rieke geschiedenisse. Ieuwenlange was dit dörp allienig mar te berieken via et waeter. In 1856 kwam de eerste verbiending mit de butenwereld over et laand: de Brédyk richting Sint Nicolaasge.
De Hervormde Karke van Langweer wodde in 1777 bouwd op et plak waor eerder al twie aandere karkgebouwen stonnen. Disse karke is in verhoolding mit aandere Friese karken uut de 18e ieuw riek versierd.
In de zoemer zuken vule toeristen Langweer op veur de gezellige sfeer in et dörp of et zeilen op et meer. Winters is et d'r rustig en bin d'r minnig of gien toeristen te vienen.
In de loop van 2007 is mit de bouw van een ni'je woonwiek start: Legebuorren. Deur disse ni'je wiek zal et inwonertal an et aende van 2007, begin 2008 veur et eerst boven de duzend uutkommen. Daornaost is de wiek zo ontwikkeld, dat et et dörpsgezicht niet an zal tasten. Zo wodt de historische dörpskoeme van Langweer niet raetelschellig.
| 1999 | 2002 | 2003 | 2004 |
|---|---|---|---|
| 924 | 958 | 975 | 976 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
