From Wikipedia, the free encyclopedia
Jans Polling (Börger, 1946) is een Drèentstalige schriever, onderwiezer, cabaretier, radioprissentator en verhalenverteller uut de pervincie Drenthe, Nederlaand.
Polling gruide op in Börger, daor as zien olders een kefee hadden. Nao de ulo gunk e naor de kweekschoele in Coevern; in 1963 wördden e onderwiezer en waornemend heufd op een schoele in Drachten. Intied behaalde e de mo-aktes haandenarbeid en keunstgeschiedenis, umme die vakken op de middelbare schoele te geven. In 1973 wördden e dieltieds leraar haandenarbeid in 't voortgezet onderwies in Knoal. In 1975 gunk e in 't olderlijk huus in Börger wonen.
Polling schreef liedteksten en schetsen aover gezinslevend, vaderschop en opvoeden. Mit André Damming richtte e in 1987 't Drèentstalige Duo Dampo op; twaalf jaor laank traden ze bename in Drenthe op mit heur cabaretpergramma. Wieder verzörgde e mediatrainings, deu an pottenbakken en warkte veur Radio Noord en later Radio Drenthe as prissentator en verhalenverteller. Radiopergramma's van hum bint onder aandere 'Muzementen' en 't meziekmagazine 'Pollings Passie'.
De Drèentse schriever en radiomaker Hans Heyting, de ontdekker van Polling as radioman, fieterde hum an um zien verhalen ok schriftelijk uut te brengen. In 2005 schreef Polling de roman De Ring, 't boekenweekkedo veur de Drèentse Boekenweke. 't Huus van de Taol maakte in 2012 een schrieverspetret van hum. In 2014 wördden e benuumd töt gemienteverteller van de gemiente Börger-Oring.
Dit artikel is eschreven in 't Zuudwest-Drèents. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.