Þjóðvegur 1

Þjóðvegur 1 öf Hringvegur (Tweants: Laandswegge 1 öf Reengwegge) is ne nasjonoale stroate in Ieslaand det roond t heale eailaand geet en de dichstbevölkte deile van t laand verbönd. De tötoale längte is 1,339 km. n Antal van de bekantste pläkke in Ieslaand, zoo-as n Seljalandsfoss, Skógafoss en Jökulsárlón ligt laanks de wegge.

Þjódvegur 1
Hringvegur
Laand	Ieslaand
Regio	Höfuðborgarsvæðið, Vesturland, Vestfirðir, Norðurland vestra, Norðurland eystra, Austurland, Suðurland
Lengte	1340 km
De Hringvegur vlokbiej Lómagnúpur in Suðurland

n Sirkel was dich-moakt in 1974 öm de 1100-jöarig anweazigheaid van menksn öp t eailaand te viern. Ok is n deil van de wegge de laangste brögge van Ieslaand oawer n Skeiðará.

Karäkteristiekn

Veur biejnoa zinne heale längte is de wegge twea löane bread met eann loan elke richtige oet. Woar t deur gröttere städskns geet kö't antal löane vergröt wörn; ok is dit zoo in n Hvalfjörður-tunnel. De measte kleainre brögn hebt moar eann loan en bint moakt van holt öf stoal. De wegge is veur t grötste deil asfalteard, moar d'r bint nöch aajt stökke in t eustn woar d'r greend leg.

Öndaanks de't asfalteard is bint d'r nöch aajt stökke moakt in de jöare 1940 woar d'r gevöartn bint as bleende böchte en bleende heuweln, brögn met moar eann loan, en smalle bergpässe. A't weenter is könt iezige wegn en skerpe weendn t ok gevoarlik moakn.

De maximumvlöksheaid öp t grötste deil van de wegge is 90 km/u.

Gevöare

Þjóðvegur 1 geet oawer n Skeiðarársandur, nen plak woar nen gletsjer smölt woardeur t moakn van wegn doar meujlik is. Ok is d'r öp dissen plak mangs öntplöffign tiedns oetbarstign van n Grímsvötn. Brögn en oare stökke van de wegge mött oft herbaawd wörn deur disse oetbarstign.

Verkear

Verkear öp de wegge verskilt per lokoasie: in en biej Reykjavík is t antal voortuugn öp de wegge önnevear 5.000-10.000 per dag, moar öp de stökke dee't wiedst van de gröttere städskns leg kö'j meender as 100 voortuugn per dag zeen.

De Ringwegge is populair met toeristn an-zee't t grötste deil van t laand berik en mangn nen interssantn plak d'r dreks an leg. t Is aajt nen populairn tour wes veur Ieslaandse femilies moar de loatste jöare is t ok populair wörn met boetnlaanders dee öf nen autoo huurt öf met n pont biej Seyðisfjörður.

Seksies

Hringvegur in Oost-Ieslaand.

De wegge hef völle verskilnde nöame deur t laand henne. In t tabel hierönner zee'j de nöame van de wegn met de klokke met vanoet Reykjavík.

Noam	Lokoasie
Vesturlandsvegur	Oost-Reykjavík noar Borgarnes
Borgarbraut	Borgarnes
Hringvegur	Borgarnes noar Noord-Akureyri
Hörgárbraut	Akureyri
Glerárgata	Akureyri
Drottningarbraut (veur n deil)	Akureyri
Hringvegur	Zuud-Akureyri noar n kroezige biej Höfn
Suðurlandsvegur	Neurdn van Höfn noar Hella
Suðurlandsbraut	Van Hella noar Eust-Selfoss
Austurvegur	Selfoss
Suðurlandsvegur	Van Selfoss noar Oost-Reykjavík

Wichtigste verbeendign

Þjóðvegur 1 hef n antal brögn en n kleain antal tunneln. De grötste tunneln bint:

• Hvalfjörðurgöng
• Almannaskarðsgöng
• Vaðlaheiðigöng

Liste van pläkke laanks de wegge

• Reykjavík
• Mosfellsbær
• Grundarhverfi
• Borgarnes
• Bifröst
• Brú
• Blönduós
• Akureyri
• Reykjahlíð
• Egilsstaðir
• Breiðdalsvík
• Djúpivogur
• Höfn
• Kirkjubæjarklaustur
• Vík í Mýrdal (Vík)
• Skógar
• Hvolsvöllur
• Hella
• Selfoss
• Hveragerði

Gallery

• 
  n Typies veurbeald van n stök wegge biej Borgarfjörður
• 
  Öp t zuudlike deil van de Reengwegge :op Holtavörðuheiði tusknBifröst en Brú. November 2007
• 
  n Stoatus van de wegge wört bekekn via n systeam van weerstasjons en webcams, zooas dis hier biej n Vatnsskarð-pasImage in t neurdn van Ieslaand.
• 
  Ofstaandnbord (richtige t zuudn) biej Egilsstaðir.
• 
  Brögge.
• 
  Brögge.