Een begreefplak is een besleuten gebied waor lichems van ontvalen personen begreven wodden. Ok wodden op begreefplakken urns mit as van kremeerde lichems begreven.
![Thumb](http://upload.wikimedia.org/wikipedia/commons/thumb/e/ec/Zwolle_Begraafplaats_Meppelerstraatweg_01.jpg/640px-Zwolle_Begraafplaats_Meppelerstraatweg_01.jpg)
![Thumb](http://upload.wikimedia.org/wikipedia/commons/thumb/3/35/Kolleg_St_Ludwig06.jpg/640px-Kolleg_St_Ludwig06.jpg)
![Thumb](http://upload.wikimedia.org/wikipedia/commons/thumb/1/1c/JapaneseGraveyardTokyo.jpg/640px-JapaneseGraveyardTokyo.jpg)
Een begreefplak wodt ok wel een karkhof nuumd, omdat oorspronkelik een begreefplak meerstal anlegd wodde in de hof (= tuun of arf) van de karke.
Tegenswoordig bin karkhoven vaeke niet meer bi'j de karken te vienen. Toch wodden begreefplakken vaeke nog 'karkhoven' nuumd. Overigens mag een karkgenootschop neffens artikel 38 van de Nederlaanse Wet op 'e liekbezorging nog altied ien of meer karkelike begreefplakken hebben.
Greven wodden meerstal huurd, et lichem blift d'r dan zoe'n 10 jaor liggen, een femiliegraf blieft zoe'n 30 tot 40 jaor liggen waornao et opruumd wodt. Een graf op eigen laand is sund 1991 ok toestaon, d'r moet allienig wel toestemming vraogd wodden an de gemiente.
Pattie meensken gaon veur de rust naor de begreefplak, zo is d'r in et Gelderse Armelo een begreefplakfietstocht ewest. Bi'j de meerste meensken komt dit vaeke nog wat vremd over.
Algemien graf
Een algemien graf is een graf waor iene in begreven wodt die ontvalen is en gien naobestaonden en eigen vermeugen het. Et begreven gebeurt dan in opdraacht van de Sociaole Dienst et is wettelik regeld via de Wet op 'e Liekbezorging.
Huurgraf
In een huurgraf wodt et lichem van iene die ontvalen is begreven veur een periode van 10 jaor. Disse periode kan soms verlengd wodden deur de naobestaonden. As de tiedsduur verlopen is, kan et graf opruumd wodden. De resten van et lichem wodden bi'jzet in een verzaemelgraf (ofwel knokkelgraf of knekelputte). Op pattie begreefplakken wodt in dit graf daornao een aander begreven. Ok is et vaeke meugelik om nao de periode van grafrust (10 jaor) de stoffelike resten te laoten verplaetsen naor bi'jveurbeeld een eigen graf.
Femiliegraf of koopgraf
Et femiliegraf is soms veur onbepaolde tied, mar meerstal is de huur veur 30 jaor, soms 40 jaor (de periode kan per gemiente verschillen). Nao een huurperiode he'j et recht om de huur elke keer mit 10 jaor te verlengen.
Graf op eigen laand
Sund de Wet op 'e Liekbezorging van 1991 is et meugelik om een graf op eigen laand te maeken. Hierveur moet de gemiente toestemming verlenen, as an een antal veurweerden voldaon wodt.
Praolgraf
Een praolgraf is een grafmonement, maekt deur een keunstener veur belangrieke personen of leden van et Keuninklik Huus. Een praolgraf is aanders van een gewoon grafmonement deurdat et graf in een krypte of karke leit.
Ien van de ooldste begreefplakken in Nederlaand is begreefplak Oud Eik en Duinen in Den Haag. Disse begreefplak wodt al in de 14e ieuw as perochiekarkhof in dokementen nuumd. Veul nog bestaonde begreefplakken in grote en middelgrote gemientes bin in de jaoren 1830-1840 anlegd. An et aende van de jaoren '20 van de 19e ieuw wodde et naemelik wet dat begreefplakken buten de dörpkoeme anlegd wodden mossen. Ien van de bekendste deur pattekelieren stichte begreefplakken is Westerveld in Driehuus.
- Achterhooks:
- karkhof
- begroafplaatse
- Drèents: kaarkhof (ZWN), karkhof, kerkhof
- Graafschopper Platt: karkhof (Platduutse schriefwieze Karkhoff)
- Grunnegs:
- kìrkhoof
- graftoen(e), Oldgrunnegs: graefjaard (ae = è; aa = oa)
- Stellingwarfs:
- begreefplak
- karkhof
- Tweants:
- keark-, kark-, kaark-, koark-, kwarkhof
- begroafplaatse
- dooinakker
- Veluws:
- begraafplaose/-plaots etc.
- ka(a)rkhof of kärk(h)of
![]() |
Commons: Begreefplak - plaatjes, filmkes en/of gelüüdsbestanden. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.