Batoafse Republiek

De Batoafse Republiek (1795–1806), waar n republiek dij veur t grootste dail t hudege Nederlaand omvatte. De republiek waar vörmd noar veurbeeld van en mit militère steun van de Fraanse Republiek, woarvan de Batoafse Republiek n vazalstoat waar. Dizze steun wuir traauwens duur betoald: de Republiek mos tientallen miljoenen guldens betoalen veur de Fraanse troepen dij ien Nederlaand legerd wuiren. Ook loater bleek de 'koalitsie' mit Fraankriek nogaal ainziedeg. Ien heur stried tegen de Engelsen en bie de doarop volgende vredesonderhaandelns waren de Fransen môr aal te geern kloar om ien ruul veur touzeggen van Engelaand, de Nederlaandse kelonien ôf te stoan.

De machthebbers waren de patriotten dij, zo as eerder al nuimd, onder Fraans "touzicht" haandelden. De heufdstad van De Heeg.

De provìnzies wuiren ôfschaft om alle herinnerns aan de olle tied van de zeuven(tien) provìnzies vot te hoalen. Doarveur terug kwamen de depaarteminten:

Ems (Grunnen, dailen van Fraislaand en de Drint)
Olle Iessel (dailen van de Drint, Gelderlaand, Fraislaand en Overiessel)
Rhain (dailen van Gelderlaand, Zuudhollaand, Noordbroabant en Oetrecht)
Tessel (dailen van Noordhollaand en Oetrecht)
Amstel (stad Amsterdam en omstreken)
Delf (dailen van Zuudhollaand)
Schelde-Moas (Zeelaand en dailen van Zuudhollaand en Noordbroabant)
Dommel (oostelk Noordbroabant)

Vanôf 1801 wuiren dizze depaarteminten ook weer vervangen deur nijent, dij wel baseerd waren op de olle provìnzies:

Grunnen
Fraislaand
Overiessel
Gelderlaand
Oetrècht
Hollaand
Zeelaand
Broabant

In 1806 wuiren ook dizze gewesten weer herindaild, deur t begun van t Keunenkriek Hollaand.