Beantem (in t Graofschopper plat van de stad: Bempen, uutsproake Bempm; Duuts: Bad Bentheim) is ne stad in t distrikt de Groafschop Beantem (ok kortweg de Groafschop) in de Duutse deelstaat Nedersaksn. Ut lig noa an de Nederlaandse greanze, biej Oldnzel. Op ne öppervlakte van 100,16 km² wont um en noabiej 15.500 leu. Beantem is bekeand um t Beantemer zaandsteen en t kasteel Beantem.
Beantem greanst an de Duutse gemeantn Schüttrupp, Nordhoorn, Ochtrop en Gronauwe. Ok greanst t an Tweante. Nöast Beantem zölf valt ok de plaatsn Achterbearg, Bardel, Gilhoes, Hagelshook, Holt und Haar, Sieringhook, Waldseite en Westenbearg biej de gemeante. Disse gemeante ontstunn op 1 meert 1974 oet de gemeantn Beantem, Gilhoes, Bardel en Sieringhook. In 1979 wördn vuur de Duutse naam t weurdken Bad der teagn an-doan.
Geschiedenis
Beantem is de vroggere heufdstad van de Groafschop Beantem en hef ne lange historie. In 1945 bepaaldn de Engelsn dat Nordhoorn de heufstad van t distrikt mos wördn, umdat dee stad meer industrieel was en mildn in t distrikt lag.
Mildn in de stad steet t kasteel Beantem, dat al in 1116 wördn neumd. In de 17e eeuw wördn healzame zweavelweln veundn, woarduur de plaatse vandaag-an-n-dag n anerkannt heilbad is. In 1865 kreag de stad stadsrechtn.
De stad is vuural bekeand duur t Bentheimer Gold, t Beantemer zaandsteen. Dit wördn tusken de 15e en de 18e eeuw met zoompn verskeept en verhaandeld noar het Meunsterlaand, Oost-Freeslaand en Nederlaand. In New York hef t Vriejdomsbeeld nen voot van Beantemer zaandsteen kreagn.
Bezeensweerdigheedn
- Kasteel Beantem met t kasteelmuseum
- Openlochttheater
- De Oostmölle in Gilhoes; in 1749/1750 bouwd oet Beantemer steenn
- Hoes Westerhof, wonhoes oet 1656, renoveerd roond 1990, rechtervoorts ne ruumte vuur artiestieke ambachtsleu
- Kattelieke kearke (wiejd an Jans de Deuper) oet 1670
- Kearke van de grifformeerde evangelistn oet 1696
- Kearke van de oald-grifformeerde evangelistn oet 1896
- Martin-Luther-kearke oet 1912
- Museum vuur radio en radioverkeer (in t Haus des Gastes)
- Graandsteenmuseum
- Geologies Openlochtmuseum
- Braziliënmuseum
- Postzeagelmuseum
- Otto Pankok-museum (Gilhoes)
- Openlochttheater
Oetgoande verbeendingn
Neersassies
- Grunnegs: Bentum
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
