Station Wenters
From Wikipedia, the free encyclopedia
Station Wenters is n spoorwegstation in het Gelderse Wenters aan de spoorlienen Wenters – Zutfent en Wenters – Zevenaar – Arnem.
T station wodden e-opend op 24 juni 1878. Wenters was vrogger een belangriek spoorwegknooppunt, met spoorlienen in vief richtingen. Met name het gooderenvervoer van en noar Duutsland was zeer belangriek veur de in de negentiende eeuw op-ekommen textielindustrie in Tweante en den Achterhook. Noast de nog bestoande lienen noar Zevenaar en Zutfent waarn dr vrogger ook grensoverschriedende lienen noar de Duutse plaatsn Bokelt en Borken en de lokaalspoorweg van de GOLS naar Nee en wieters naar Hengel, Eanke en Heldern. Het huudige station Wenters was eleagen aan de liene van de Nederlandsch-Westfaalsche Spoorweg-Maatschappij (NWS) van Zutfentvia Wenters noar Borken - Gelsenkirchen en Bokelt. An de zuudziede bevond zich t kleine station veur de lienen van de GOLS. Noa de sluuting van de meeste GOLS-lienen voor persoonnvervoer in 1937 gingn de reizigerstreinen op de GOLS-liene Wenters - Zevenaar van en noar het grote station rijden.
Noa de sluuting van lienen en t wegvalln van het gooderenvervoer nam t belang van t station stark af. Het bi-jzunder grote stationsgebouw getuugt nog van de vroggere drokken. Teggenswoordig hef station Wenters nog moar een perron, direct grenzend an t stationsgebouw. Veur ne ni-je bestemming van t grote spooremplacement buntn anno 2008 verskeidene plannen ontwikkeld.