From Wikipedia, the free encyclopedia
Een revier is een min of meer netuurlike waeterstroom. Wi'j onderscheiden oceanische revieren die in een zee of oceaan aendigen, en kontinentaole revieren die in een meer, moeras of woestijn aendigen. Een laek is de anduding veur een kleine revier.
Elke revier leit in een stroomgebied. Dat is et totaole omringende gebied waorbinnen al et overtollige waeter via die iene revier ofvoerd wodt. Bi'jveurbeeld: et stroomgebied van de Rien. De scheidingsliende tussen twie stroomgebieden wodt de waeterscheiding nuumd.
De bepaoling van de linker- en de rechteroever van een revier gebeurt vanof de bron (in de richting van de stroming) van de revier zien.
Der wodt ok onderscheid maekt naor vorm van een revier. Zo wodden meanderende en vlechtende revieren onderscheiden. Meanderende revieren bestaon uut ien stroomgeul, die kronkelt mar in wezen weinig veraandert. Vlechtende revieren bestaon uut meerdere stroomgeulen die deur mekeer henne vlechten en regelmaotig verschuven. Alle revieren in Nederlaand bin meanderend. Revieren in barggebieden of aandere revieren waorvan de ofvoer over et jaor stark wisselt bin vaeke vlechtend.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.