Odense
From Wikipedia, the free encyclopedia
Odense (oetsproken as: [oodnse])is n stad op t Deense aailaand Funnen en is ook de heufdstad van t aailaand en de provìnzie Funnen, dij mit ingang van 1 jannewoari 2007 bie de nije regio Syddanmark heuren gait. Odense is mit 186.595 inwoner en n oppervlak van sikkom 304,3 km² de twijde grootste stad van Denmaark (noa Kopenhoaven).
Odense ligt aan t Odensefjord en de revier Odense Å. In t hoogsaizoen binnen hier boottochten op te moaken.
Ook ligt Odense aan de weg dij Jytlaand en Seelaand verbindt. Veur de komst van de Grode belt brog in 1998 was Odense vanof Seelaand allend beriekboar mit n boot. Nau is de raaistied tuzzen Kopenhoaven en Odense ain en n vörrel uur. Dizze Storebeltsbroen is de twijde laangste hongbrog van de wereld.
Odense staait veuraal bekind om t fait dat de vernuimde schriever Hans Christian Andersen der geboorn is. Zien geboortehoeske staait den ook nog steeds in Odense. t Is van aachter te betreden via n museum. As man de rondlaaiden volgt, komt man automoatisch in t hoeske oet.
In de domkèrk "Sankt Knuds Kirke" van Odense liggen de lichoamen van geestelke laaiders van Odense en de stoffelke overschotten van olle Deense keunengs. Dizzent binnen vonden in n tombe in n wale van de keller van de kèrk en liggen nau in de keller zölf.
- n Stroatke in Odense
- H.C. Andersen hoes
- t Roadhoes van Odense
- Lichoamen in Domkèrk