Ni'j-Zeelaand
From Wikipedia, the free encyclopedia
Ni'j-Zeelaand (Engels: New Zealand, Maori: Aotearoa) is een laand in et zuudwesten van de Grote Oceaan. Et bestaot uut twie grote eilanen en een antal kleinere eilaanties.
| New Zealand Aotearoa | ||
 |  | |
 Kaarte van Ni'j-Zeelaand | ||
| Baosisgegevens | ||
| Officiële laanstael | Engels, Maori [1] | |
| Heufdstad | Wellington | |
| Regeringsvorm | Parlementaire monarchie | |
| Geleuf | Kristelik 67% | |
| Geografie en bevolking | ||
| Oppervlakte - waeter | 270.534 km² 2,1% | |
| Inwoners - Dichthied | 4.173.460 (2008) 15,4 inw./km² | |
| Koordinaten | 41° 0′ S, 173° 0′ O | |
| Overige | ||
| Volkslied | God Defend New Zealand, God Save the Queen | |
| Muntienhied | Ni'j-Zeelaanse dollar (NZD) | |
| Tiedzone | +12 | |
| Nationaole feestdag | 6 febrewaori (Waitangi Day) | |
| Web | Kode | Til. | .nz | NZE | 64 | |
Ni'j-Zeelaand is een konstitutioneel keuninkriek, lid van et Gemenebest van Naosies (et vroggere Britse Gemenebest). Daormit is Elizabeth II van et Verienigd Keuninkriek et staotsheufd; zi'j wodt vertegenwoordigd deur een gouverneur-ginneraol.
De heufdstad van N'j-Zeelaand is Wellington, en et laand het een bevolkingsantal van 4,17 miljoen meensken. De heufdreligie is et kristendom mit zoe'n 67%.
De officiële taelen bin et Engels, Maori en de Ni'j-Zeelaanse gebaorentael. De nationaole muntienhied van Ni'j-Zeelaand is de Ni'j-Zeelaanse dollar.
De Grunningse ontdekkingsreiziger Abel Tasman zette as eerste Europeaan voet op Ni'j-Zeelaanse bodem, hi'j nuumde et Staotenlaand, in de veronderstelling dat et verbunnen was mit et Staoteneilaand van Zuud-Amerike. Naodat Hendrik Brouwer in 1643 bewees dat dit niet zo was, wodde de naeme deur Hollaanse kartografen veraanderd in Nova Zeelandia, naor de Nederlaanse perveensie Zeelaand. De Britse luitenant James Cook vertaelde dit op zien beurte naor New Zealand.
Et laand het ok een naeme in et Maori, naemelik Aotearoa wat et laand van de lange witte wolke betekent. In de prekeloniaole tied hadden de Maori gien naeme veur de hiele Niej-Zeelaanse eilanegroep, Aotearoa verwees allienig naor et hudige Noordereilaand. In et hudige taelgebruuk kan Aotearoa liekewels as een alternatief veur 'New Zealand' zien wodden.
Ni'j-Zeelaand is onderverdield in 17 regio's die elk bestuurd wodden deur een regionaol keuzen raod. Daornaost bestaon d'r 74 zogenaemde territoriaole autoriteiten (57 distrikten, 16 steden en de Chathameilanen). Dit bin gien onderverdielingen van de regio's mar een parallelle bestuursvorm die verantwoordelik is veur aandere zaeken as de regio's. Pattie territoriaole autoriteiten liggen zels in twie verschillende regio's. Veerder bin d'r ok vier overzeese gebiedsdielen die onder et bestuur van Ni'j-Zeelaand valen:
- Cookeilanen
- Niue
- Ross Dependency
- Tokelau-eilanden
Steden
De grootste steden bin:
- Auckland
- Waitakere
- Manukau
- North Shore
- Hamilton
- Tauranga
- Palmerston North
- Wellington
- Christchurch
- Dunedin
- Invercargill
Auckland, Waitakere, Manukau en North Shore vormen tegere Greater Auckland.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
