![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/34/Map_NL_Kollumerl%25C3%25A2n_Kollum.png/640px-Map_NL_Kollumerl%25C3%25A2n_Kollum.png&w=640&q=50)
Köllum
From Wikipedia, the free encyclopedia
Köllum is n dörp en de heufdploats van de gemainte Köllumerlaand en Nijkruuslaand, in de Nederlaandse provìnzie Frieslaand.
![Thumb image](http://upload.wikimedia.org/wikipedia/commons/thumb/3/34/Map_NL_Kollumerl%C3%A2n_Kollum.png/640px-Map_NL_Kollumerl%C3%A2n_Kollum.png)
Köllum is n vlekke, n dörp mit klainstedelk karakter. t Is in de vrouge middelaiwen ontstoan op de raand van n zaandplatto as n nederzetten bie de direkt mit zee in verbinding stoande Dwarsried.
Monumentenzörg omschrift de heufdploats van Köllumerlaand as n wegdörp. De heufdweg, de Veurstroat, is de deurlopende weg in t zèntrum van Köllum. De Veurstroat kruust de Zielsterried. Dizze kruusstruktuur is in de middelaiwen ontstoan en het zok in de loop van de geschiednis bestendegd. Kölm het n beschaarmd dörpsgezicht. In totoal binnen der 31 monumìnten te vinden, woaronder de revörmeerde en hervörmde kèrke, t veurmoaleg postkantoor en veurmoaleg roadhoes.