Indonezie
From Wikipedia, the free encyclopedia
Indonezie is n republiek, bestoande uut n groot aailandengebied in Zuudoost-Azie. t Ligt tuzzen t Zuudoost-Azioatische vastelaand en Austroalie, en tuzzen de Indische en Stille Ozeoan. In t noorden grènst t ook aan de Zuud-Chinese Zee. Indonezie grènst aan Malaizie op t aailand Borneo, aan Papoea-Nij-Guinea op t aailaand Nij-Guinea, en aan Oost-Timor op t aailaand Timor. In t zuden grenst t aan Austroalie. De heufdstad is Jakarta. De grootste aailanden binnen Java, Sumatra, Borneo, Celebes en Nij Guinea.
| Republik Indonesia | ||
 |  | |
 Ligging van Indonezie | ||
| Basisgegeavens | ||
| Officiele språke | indonesisk | |
| Höyvdstad | Jakarta | |
| Regeringsform | republik | |
| Godsdeenst | islam (ca. 86%), christendom 10%, hinduisme 3%, buddhisme 1% e.a. | |
| Geografy en bevolking | ||
| Uppervlakde - Water | 1.904.570 km² 4,85% | |
| Inwoanertal - Dichtheid | 260.580.739 (2017) 136,4 inw./km² | |
| Koordinaten | 2° 30′ S, 118° 0′ O | |
| Oaverige | ||
| Volksleed | Indonesia Raya | |
| Münteynheid | rupiah (IDR) | |
| Tydzone | +7 tot +9 | |
| Nationale feystdag | u.a. 17 augustus | |
| Web | Kode | Tel. | .id | IDN | 62 | |
Veur de tied van de Verainde Oostindiese Komnij (VOK, VOC in t Nederlaands) en veurdat de Hollaanders Indonesie nomen as kelonie, bestonden der tuzzen de 7e en 14e eeuw in Indonezie op verschaaidene stees, n aantel verschillende keunenkrieken. Dizzent waren veuraal hindoeistisch en boedistisch. Loater kwam hier de islam bie, via de haandel en gruide uut tot de belaankriekste religie in Indonezie. Indonezie is den ook t grootste moslimlaand van de wereld. In de tied van de VOK waren de Hollaanders der de boas en meuken n ìnd aan de bestoande keunenkrieken. Indonesie wuir doe Nederlaands Indie nuimd. De Japanners meuken op heur beurt n ìnd aan Nederlaands Indie, tiedens en noa de Twijde Wereldoorlog. De Hollaanders wuiren opsloten in kaampen en de Indonesiers wuiren dwongen om de Japanners mit te helpen.
Indonezie kint n huil ìnde toalen, veural in Papoea, môr ook op Celebes en de maiste andere aailanden. Op Java en Bali binnen de verschillen hail wat klainer. Van alle toalen dij de maiste van heur proaten in Indonezie hebben, is t grootste duil Austronesisch. Mit sikkom 750 sproken toalen mout Indonezie wat aantel toalen aangaait allend in Papoea-Nij-Guinea zien meerdere zain.
 |
Commons: Indonezie - plaatjes, filmkes en/of gelüüdsbestanden. |
 |
Schreven in t Veenkelonioals |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
