Nen Bakworst is nen worst den at vuural in Tweante en t Meunsterlaand egetn en emaakt wörd. n Volledigen naamn is dan ook Tweantsen Bakleawerworst, mear iederene keant t better bie den kortn naamn. n bakworst besteet vuural oet voarknsleawer en voarknsvleais, en is echtn weenterkost.
Geskiedenisse
Bakworst keump nog oet de tied van de hoesslachteriejn, toew at nen hoesslachter (nen handigen boer of aander vakman) in de weentermoanden bie de boern angung um te slachtn, um zo n poar seant bie te verdeenn. De vrouwe dee dan zelf de wörste dreein. Töt an de 60er joarn wör dit nog edoan, mear toew gungn de boern mear automatiseern en wördn de kuringskostn völs te hoge, en gung t bakworstmaakn oawer op de echte slageriejn. Noa n Tweedn Wearldoorlog köm dr ne stoarke vroag noar bakworst. De papiern keunstdoarm vervung n natuurliken voarknsdoarm den at töt dee tied nog gebroekt wör. Töt an dee tied hadn völle Tweantse gemeentes ne eegne Bakleawer-verordening. In de 70er joarn wör de keunststof doarm oet eveundn. Hierduur bleef de Bakworst lenger good.[1]
Etn
Bakworst is lekker op de stoete, mear kan ook lös egetn wördn. Saamn met gebakn earpel is t ne gooe anvullige van de middagmoaltied. t Wörd hoaste nooit bie t oawndetn edoan.
Inhoold[2]
n Inhoold kan per sloager verskiln, iedern sloager hef zien eegn recept.
- 30% Voarknsleawer
- Ofkoksel (bouillon) van water, zoolt en kruudn
- Bookweaitmel
- Tarwebloom
- Riesbloom
- Voarknsvet
- 5% voarknsvleais
- Voarknskollageen
- Behooldsmiddel E250
Reffereansies
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
