From Wikipedia, the free encyclopedia
'E faragliune 'e Capri song' tre pizzi 'e roccia che se trovano a sud-est 'e l'isola omonima, famosi 'nda tutto 'o munno[1] soprattutto po' suggestivo panorama che se vere da 'e giardini di Augusto.
I faragliune song:
Veramente c'è sta pure nu quarto faraglione, chiammato Scuoglio do Monacone, che sta arreto 'e tre faragliuone. 'O nomme è stato dato pe 'mmez di bovi marini, na specie 'e foche che campavano vicino 'o scoglio fi 'o 1904, ll'anno in cui l'urdemo esemplare fuje acciso vicino 'o Palazzo a Mmare.[4].
'Ncoppa 'o scoglio c'è sta a sfravecature 'e nu muro 'e ll'antichi romani, forse è chello che è rimasto da tomba e ll'architetto di Augusto: Masgaba. N'ata teoria, rice che forse era na vasca per salà 'o pesce o puro addirittura nu recinto pe' cunigli.
'E faragliune fujeno annumenati pure 'a Virgilio dinto all'Eneide cuntanno 'o mito 'e Sirene[5]. 'O nomme vene da 'o greco pharos, che vò ricere faro[6].
'Nfatti, anticamente 'ncoppa 'e muntagne e 'ncoppa 'e rocce vicino 'e coste, s'appicciavano certi fucarazzi 'e notte, accussì 'e navigatori verevano sia 'a rotta che ll'ostacoli pericolosi pa navigazione stessa. Forse pure 'e faragliune tenevano 'a stessa funzione.
'E Faragliune forse avevano fa parte 'e nu spaziuso sistema sottaterra modificato da agenti esterni. 'E primme modifiche 'e facetteno l'acque carsiche, che scavajano 'a roccia anfi a 15 metri sotto l'attuale livello 'e mare. Appriesso a chist'evento ce fujo nu disfacimento da costa, che scassaje 'e pertuse; po l'abrasione marina e l'azione meccanica di fenomeni atmosferici facetteno sgarrupà 'e volte, dopo a che s'arrivaje 'e forme 'e mò[7].
L'unica parte ca nun se scassaje fuje 'o pertuso do Faraglione 'e Miezo, che addirittura addeventaje cchiù gruosso pe mmezzo de frane[7].
'O pizzo cchiù fora, do Faraglione 'e Fora, è canusciuto pecché la c'è sta 'a Podarcis siculus coeruleus, nomme scentifico da lacerta azzurra. Chesta specie 'e unica pe via do culore bluastro ca va 'a 'ncanna a 'ncoppa 'a panza nfi 'a cora, sulo 'ncoppa 'e rine c'è sta na pigmentazione nerastra[8].
'A lacerta azzurra è parente stretta 'e chella campestre, che invece campa 'nterra; 'a quanno c'è stato 'o distacco di Faraglioni, comunque, nun se scustata, addiventanno pe' via do mimetismo 'e culore blu do mare e do cielo[8].
'O pertuso naturale, che s'arape dint' 'o faraglione 'e Miezo, è chillo che fa arricurdà bbuono, accussì ca nun te può sbaglià 'e faragliune caprisi, pure pecché 'ccà hanno girato nu sacco 'e film.
'Nu film che ha dato parecchio risalto 'o pertuso, è sicuramente 'O sicondo traggico Fantozzi, quanno Paolo Villaggio alias Fantozzi, facenno sci nautico, tentaje 'e ce passà pe dinto, ma acchiappaje 'o faraglione, facenno succerere nu tarramoto ca arrivaje anfi 'a famosa Piazzetta.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.