'A Danemarca (nòmme ufficiale: Regno 'e Danemarca) è 'o Stato cchiú piccerillo d''a Scannenavia e pure chillo situato cchiú a sudd. Se truóva a nord 'e ll'uneco Stato a ìsso cunfinante via terra, 'a Germánia, a sudd-ovest d''a Sguezia e a sudd d''a Norvegia. Cunfina pure cu' 'o Mar Balteco a est e 'o Mare d''o Nord a ovest.
 Danemarca | |||||||||
|---|---|---|---|---|---|---|---|---|---|
| |||||||||
| Motto: Ll'ajùto 'e Dio, l'ammore d''o popolo, 'a forza d''a Danemarca | |||||||||
|
| |||||||||
| Nfromma | |||||||||
| Nòmme completo: | Regno 'e Danemarca | ||||||||
| Nòmme ufficiale: | Kongeriget Danmark | ||||||||
| Lengua ufficiale: | danese | ||||||||
| Capitale: | Copenaghen (503.699 ab. / 2007) | ||||||||
| Pulitica | |||||||||
| Guviérno: | munarchia parlamentare | ||||||||
| Reggina: | Federico X di Danimarca (2024-) | ||||||||
| Primmo Menisto: | Mette Frederiksen
| ||||||||
| Ngresso a ll'ONU: | 24 'e ottovre 1945 1 | ||||||||
| Area | |||||||||
| Totale: | 43.094 km² (130°) | ||||||||
| % d''e Acque: | 1,6 % | ||||||||
| Populazzione | |||||||||
| Totale (2007): | 5.447.084 ab. (104°) | ||||||||
| Denzità: | 126 ab./km² | ||||||||
| Giugrafia | |||||||||
| Cuntinente: | Europa | ||||||||
| Fuso orario: | UTC +1 | ||||||||
| Ecunumia | |||||||||
| Valuta: | Curona Danese | ||||||||
| PIL (PPA) (2005): | 187.977 milioni di $ (45°) | ||||||||
| PIL procapite (PPA) (2005): | 34.740 $ (6°) | ||||||||
| HDI (2004): | 0,943 (alto) (15°) | ||||||||
| Varie | |||||||||
| TLD: | .dk | ||||||||
| Prefisso tel.: | +45 | ||||||||
| Targa autom.: | DK | ||||||||
| Inno nazzionale: | Der er et yndigt land | ||||||||
| Festa nazzionale: | 5 'e giùgno | ||||||||
|
| |||||||||
'A capitale d''a Danemarca è Copenaghen, cità ca sta ngoppa n'isola chiammata Sjælland. 'A Danemarca è azzeccata 'a Sguezia grazzie a nu ponte ca aunisce 'a capitale soja c''o territorio sguedese. Fanno parte d''a Danemarca pure ll'Isole Faroe e 'a Groenlandia. 'A lengua ufficiale soja è 'o danese.
'A Danemarca fa parte 'e ll'Aunione europea. Éssa trasette int''a ll'Aunione int'ô 1973.
'A Danemarca nun vulette ausà ll'Euro còmme muneta soja, infatti 'a muneta corrente è 'a Curona Danese.
'A Storia
'E pprimme populazziune
Attuorno 'o V seculo D.C populazziune scandinave culonizzareno 'a Danemarca, aròppo 'a cchiú e dujeciento anne 'e danese abbiarono a conquistà la Ngreterra.
'E ggranne conquiste
'Int'ô IX seculo D.C 'a Danemarca se spannette, conquistanno 'a Norvegia e quacche reggione d''a Germania settentriunale, e quacche anne cchiú annanze se conquistarrà tutta 'a Gran Vretagna.
'O 300
Attuorno a ll'inzio d''o 1300 'a Danemarca se spannette verz' 'e paise d''o Mar Balteco, e verzo ll'inizio d''o 1400 'a Danemarca se conquistaje tutta 'a Sguezia, ma 'int'ô 1523 'a Sguezia se ribellaje e addevnette nnepennente.
'E gguerre cu 'a Sguezia
'Int'ô '600 'a Danemarca se cunvertette ô Protestantesimo, 'e arrepijaje 'e cunflitte cu 'a Sguezia, 'e ddoje nazziune se facetteno guerra, 'a guerra fernette cu 'a vittoria d''a Sguezia, e 'a Danemarca arrefunnette 'e paise baltece. Aròppo a 'sta scunfitta 'a Danemarca addeventaje na monarchia assoluta.
Ll'800
Quanno accumincaje ll'800 'a Danemarca s'alleaje cu Napoleone, ma 'st'alleanza custaje 'a Norvegia, ca, cu 'o trattato 'e Kiel, addventava territorio svedese. 'Int'ô 1848 'a Danemarca addventa monarchia costituzionale. 'Int'ô 1864 ll'Austria e 'a Prussia, dichiarajeno guerra â Danemarca, cu chesta guerra 'a Danemarca arrefunette 'e territorie d''o sudd, ca furono date a ll'Austria e 'a Prussia.
'O '900
Cu 'o scoppio d''a primma guerra munniale 'a Danemarca se dichiara neutrale, 'int'ô 1920 'a ll'Islanna 'a nnepennenza, e s'arrepija 'o territorio d''o Schleswig settentriunale. 'Int'â sicunna guerra munniale 'a Danemarca ven'invasa 'a 'e Germanese cu tutto ca s'era dichiarata neutrale, ma grazzie a quacche gruppo 'e resistenza armata, se riesce 'a libberà.
Giugrafía
'A Danemarca cumprenne 'a maggiuranza d''a penisula d''o Jutland (Jylland pe danese), e cchiú 'e 400 isule, nfra 'e cchiú grosse nce stanno chelle la d''a Zelanda (Sjælland) e d''a Fionia (Fyn), autre isule mpurtante songo Lolland, Falster, Langeland e Møn, n'ata isula mpurtante è Bornholm cchiú vicina ê ccoste sguedese, ppe jonta pure ll'isule Far Oer e 'a Groenlandia songo culonie danese. 'O territorio danese è pe 'a maggiuranza pianeggiante. 'A muntagna cchiú grossa d''o paise è 'o Yding Skovhøj (172 metre). 'E ccoste danese se sparteno 'int'â divierze tipe. 'A costa cchiú inospitale è chella d''o nord, pecché è suggietta a inundaziune, 'e ccoste danese songo, però, caratterizzate ê fiurde, nzenature piccerelle, ca se ncasano int'ê spigge. 'E sciumme danese songo ppe 'a maggiuranza curte,'o cchiú luongo è 'o Gudenå ('mmérzo 150 km).
Crimma
'O crimma d''a Danemarca è nu crimma temperato. 'E vierne nun song' assaje riggede e 'a temperatura a jennaro e frevaro è attuorno a 'e 0 °C, 'e staggiune songo frische cu temperature medie attuorno 'e 15.7 °C int'ô mese 'e aùsto.
'O viento scioscia cchiù fforte int'ô periedo viernale e cchiú debbole int'ô periedo estivo.
'E danese festeggiano 'o juorno cchiú ccorto 'e ll'anno e chillo cchiú luongo, 'o primmo se festeggia avvicino 'o juorno 'e Natale, 'o siconno, mmece, è 'o juorno 'e miezza staggione, ca vene chiammato 'a 'e danese Sankthansaften('A notte 'e San Juanno).
Populazzione
'A populazzìone danese è 'e 5.413.392 crestiane, pe 'a maggiuranza tuttuquante 'e etnia danese, urtimamente 'a populazzìone se sta arrecchenno 'e magrebine, turche e asiateche, nce stanno pure gruppe 'e sguedese e germanese.
'E femmene songo leggieremente cchiú assaje d''e mascule, 'o leviello 'e l'arfabbetizzazzione e d''o 98.2 %, chillu là d''a ferteletà è 'e 1,74 figliuole pe femmena, nummere assaje basse ca stanno facenno addeventà a populazzìone sempe cchiú viecchia.
Religgione
Ll' 83 % d''e danese fa pparte d''a cchiesa Luterana nazziunale, 'a Chiesa d''o popolo danese (Den Danske Folkekirke) canosciuta pure comme cchiesa 'e Danemarca. 'O riesto d''a populazzione crere a religgione crestiane, 'o rummanente 4 % è 'e religgione musulmana.
Mmerze 'o 7 % d''e danese se dichiara ateo. Int'â Danemarca nce sta 'a libbertà 'e religgione, e a pparte 'a cchiesa ufficiale nce stanno pure ati communetà piccerelle e sette religgiose.
Lengue
'Int'ô paise se parla 'o danese, pure se nu gruppo piccerillo 'e perzone avvicino 'o cunfine cu 'a Germania parla 'o germanese. 'A lengua straniera cchiú canosciuta è 'o ngrese 'n particulare nfra 'e crestiane d''e cità cchiú 'rosse e nfra 'e giuvane ca 'a scola stureano comme minemo ddoje lengue straniere. 'E firme fanno 'mparà cchiú meglio 'o ngrese pecché nun veneno duppiate.
Ordinamiento d''o Stato
Spartimiente ammenistrative
'A Danemarca è spartuta 'int'o 5 reggione (pe danese regioner), ca tenono 98 comune. 'E reggione hanno state criate 'o primmo 'e Jennaro d''o 2007, pe miezo d''a Riforma Ammenistrativa Danese d''o 2007, e hanno pigliato 'o posto d''e 13 contee tradiziunale (amter).
'E cinche nove reggiune songo:
- Hovedstaden
- Sjælland
- Syddanmark
- Midtjylland
- Nordjylland
Ô stessu tiempo 'e commune cchiú picerille (kommuner) s'hanno aunite p'addeventà cchiú 'rosse, acalanno accussì 'o nummero lloro 'a 279 a 98. 'A rrobba cchiú 'mpurtante ca è stata data a chisti commune è 'a cura d''o servizio sanitario nazziunale. Diverzamente 'e chello ca succereva cu 'e vecchie contee 'e reggiune nun se ponno piglià 'e tasse.
Ogne cunsiglio reggionale è furmato 'a 41 membre eliggiute cu 'e ll'eleziune communale d''o 2005.
'A maggiuranza d''e commune nove tene na populazzione 'e minemo 20.000 crestiane.
'A Groenlandia e ll'Isule Fær Øer fanno parte d''a Danemarca ma tenono na particulare autonomia. Tutte 'e ddoje teneno 'o deritto 'e allieggere 'e membre d''o Parlamento Danese.
Citta mpurtante
'A cità cchiú pupulata d''a Danemarca è 'a capitale Copenaghen, ca cu 'a ll'area metropolitana d''a soja tene 1.084.885 crestiane, ati cità mpurtante songo Århus,Odense e Aalborg. 'A cità cchiú mpurtante d''a Groenlandia è Nuuk, mmece, chella 'e ll'Isule Faroe è Torshavn.
Ordinamiento sculasteco
'O sistema adducativo danese è assaje buono e ll'acciesso â scola pubbreca è pe senza niente nfino a 'e scole superiore, e pure pe 'a maggiuranza d''e curse universitarie. Mmerz''o 99 % d''a populazzìone fà 'a scola elementare (ca fernesce a 9 o 10 anne). Ll'86% se fa pure 'a siconnaria, e 'o 41% continua a stureà.
'A scola elementare danese se chiamma den Danske Folkeskole ('A scola pubbleca danese), se cumpone 'e 10 grade/anne ('o 10° anno è facultativo). Se pò pure gghì a na "Friskole"/"Privatskole", cioè scole ca nun songo cuntrullate 'a 'e commune, comme 'a "scola Steineriana", n'ata scola è 'a "Efterskole", ca se pò traducere litteralmente comme Doposcuola, 'sta scola nun è obbligatoria e se pò fa 'a ll'8° anno a 'o 10°, è na specie 'e culleggio addò 'e membre se stanno spisso sulo pe n'anno, pure si cocche ististuto permette 'a scrizione pure pe n'ato anno. 'A maggiuranza d''e guagliune se scrive ô decemo anno, ma coccheduno 'o ffà pure ô nono. Dint'â 'sti scole se fà na particulare attenzzione ngopp'â na materia specifeca, comme ll'adducazzione fiseca e 'e llengue. 'A differenza cchiú 'rossa nfra n'Efterskole e nu culleggio e ca ll'alunne teneno libbertà cchiú 'rosse.
N'ata mpurtanta scola danese è 'a Folkehøjskole, nventata 'int'ô XIX seculo 'a N.F.S Grundtvig. Traducibbele comme Scola superiore d''o popolo 'a Folkehøjskole è na particulare scola addò nce stanno esame, ma se sta accuorte, mmece, a 'a cultura generale d''e guagliune, a d''e ffà mparà e penzà currettamiente. Assaje giuvane fanno 'a Folkehøjskole cocche mese addoppo ca se songo diplomate a 'o Gymnasium (fosse 'a scola superiore) primma 'e se scrivere a ll'univerzetà. Visto ca 'e Folkehøjskole songo scole d''o popolo se pò gghì 'int'â ogne mumento d''a vita. Cierte songo specializzate 'int'ê materie specifeche comme 'o sport, 'a museca o 'a prutezzione 'e ll'ambiente, 'int'â maggiuranza d''e scole se mpara pure ll'arte.
Addoppo 'o diploma d''e "Folkehøskolen" se ponno ffà assaje scole comme 'o Gymnasium, ll'HF (simile a 'e Gymnasium ma cchiú curte 'e n'anno) 'e ll'HHX (sture cummerciale) e pure ate.
Forze armate
'E fforze armate d''a Danemarca se chiammeno "Det Danske Forsvar" ("Forze 'e difesa danese"). A tiempo 'e pace 'o ministero d''a difesa tene 15.450 uommene 'int'o ll'esercito, 5.300 'int'â marina, 6.050 'int'â ll'aeronautica militare e 'e ate 55.000 ca stanno facenno 'o servizio 'e leva. D''o 1962 pure 'e femmene ponno gghì a fa 'o servizio militare, pure si 'a primma 'o facette sulo 'int'ô 1971.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
