From Wikipedia, the free encyclopedia
Carlo III 'e Spagna (Madrid, 20 'e jennaro 1716 - 14 'e dicembre 1788) fuje Duca 'e Parma, c'ô o titulo 'e Carlo I (1731-1735), Rre 'e Napule e Rre 'e Sicilia (1735-1759) e, nfine, Rre 'e Spagna comme Carlo III (1759-1788). Appartenente 'a famiglia 'e Burbone, fuje o primmo figlio 'e Filippo V 'e Spagna e tierzo 'n urdeno 'e successione a 'o trono spagnuolo.
A 16 anne Carlo uttenette 'o titulo 'e duca 'e Parma, aredetato pe' parte 'e mate, Isabella Farnese. Chesta vuleva aggrannì tanto 'o putere quanto 'e ttere 'n mano ô figlio, e 'n particulare vuleva ricuperà 'e terreruorie pierze c'ô trattato 'e Utrecht, zoè Napule e Sicilia; ll'accasione pe llo fare nce fuje c'â Uerra 'e successione pulacca tra Spagna e Impero austriaco. 'O cunflitto, cumenciato p'â morte d'ô rre pulacco Augusto II, fernì c'â scusuta 'e ll'Asburgo e 'a cedetura d'ê ccurone 'e Napule e Sicilia. 'Int'ô 1735 Carlo resignaje 'o Ducato 'e Parma e Piacenza a ll'imperatore Carlo VI, e da chesto se facette recunosce comme "Rre 'e Napule e Sicilia".
'O regno suojo rappresentaje n'epuca 'e grosse reforme 'nterne comme pure 'e granne fiureture artisteche. Sutto Carlo nce fuje ll'accummenzaglia d'â costruzzione d'ê rregge 'e Caserta, Capemonte, Puortece d'ô rial Triato 'e San Carlo ma pure nce fujeno 'e scuperte d'ê cità rummane 'e Erculano (1738) e Pumpeje (1748) strutte 'int'ô 79 da 'o Vesuvio.
A ll'aùsto d'ô 1759 Fernando VI 'e Spagna murette senza lassà arede, azzò Carlo uttenette 'o trono d'ô regno pettramente cuncedette 'o tituolo 'e rre 'e Napule e 'e Sicilia a 'o figlio suojo Ferdinando. Comme suvrano 'e Spagna, firmaje n'allianza c'â Franza e s'aunì ô cunflitto cuntro 'o Regno Aunito pe' 'o duminio d'ê cculonie americane. 'A uerro llo vedette scusuto e llo custregnette a cuncede 'a Florida a 'o nemmico, pure se chesta perdeta fuje cumpenzata cu ll'acquisezzione d'â Luisiana.
Carlos III cuntenuaje pure 'n Spagna reforme e mudernizzazziune, comme ll'aspulsione d'ê Gesuite, s'aduperaje pe' asercetà nu cchiù gruosso cuntrollo ammenistrativo e fescale 'int'ê cculonie 'n Amereca, accussì da aizà ll'entroite vierzo 'a Capetale. Comme p'ê reforme statale, pure p'â cultura Carlo asercetaje nu gruosso piano 'e cagnamiente: refurmaje ll'uneversetà, primma 'int'ê mmane 'e ll'urdeno gesuita, vierzo 'o studio d'ê mmaterie scentifeche; funnaje ll'Estudios de San Isidro, na scuola superiora; funnaje 'e Scuole d'Arte e Mestiere.
Carlo III s'accasaje cu Maria Amalia 'e Sassonia 'o 9 'e maggio 1738. Avetteno 13 figlie:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
