Seconna Uerra Munniale
From Wikipedia, the free encyclopedia
'A seconna uerra munniale vere apponerse, nfra 'o 1939 e 'o 1945, ll'accussidditte putiere 'e ll'Asse e ll'Alliate ca, comme già abbenuto ê belligerante d''a primma uerra munniale, se cummattetteno ncoppa granne parte d''a chianeta. 'O scuntro avette nnizio 'o 1º settembre 1939 cu ll'attacco d''a Germania nazzista â Pulonnia e cunchiudette, dint''o triato auropeo, l'8 majo 1945 cu 'a rennetura turesca e, dinto chello asiateco, 'o successevo 2 settembre cu 'a rennetura d''o mpero giappunese aroppo 'e bummardamiente atomice d'Hiroshima e Nnagasaki 'a parte d''e State Aunite.
Seconna Uerra Munniale | |||||||||
---|---|---|---|---|---|---|---|---|---|
| |||||||||
| |||||||||
Schieramiente | |||||||||
Aunione Suvieteca State Aunite d'Amereca Gran Vretagna Cina |
Germania Giappone Talia | ||||||||
Commandante | |||||||||
Joseph Stalin Franklin D. Roosevelt † |
Adolf Hitler † | ||||||||
Perdènze | |||||||||
Totale: 50 meliune Militare: 17 meliune Civile: 33 meliune |
Totale: 12 meliune Militare: 8 meliune Civile: 4 meliune |
È stato 'o cunflitto armato cchiù granne e nzanguinato d''a storia e ccustaje a ll'umanità seje anne 'e sufferienze, ddestruzzione e mmassacre, cu na stima tutale 'e muorte ca oscilla ntra ê 55 e 'e 60 meliune 'e nnividue. 'E ppupulazione civile se truvajeno cuinvolte dinto ll'operazione dinto na mesura nsino a allora scanusciuta, e ffujeno anzi bersaglio dechiarato 'e bummardamiente, rappresaglie, ppersecuzione, ddepurtazione e stermine. mParticulare, 'o Terzo Reich purtaje annanze cu mmetude ngegneristice l'Olucausto p'arreducere a nniente, ntra ll'ate, 'e ppupulazione 'e rìggene o etnia giureja, persequitanno pure na puliteca 'e riurganezzazione etneco-puliteca 'e ll'Auropa cientro-orientale ca prevedeva 'a destruzzione o deportazzione 'e ntiere ppupulazione slave, d''e popule rom e 'e tutte chille ca 'o regime nazzista reteneva "ndesiderabbile" o nemmice d''a razza ariana.
Ô tèrmene d''a uerra, ll'Auropa, arreduciuta a nu cùmmolo 'e sfravecatura, cumpletaje 'o pruciesso 'e nvoluzione nniziato cu 'a primma uerra munniale e perze definitivamente 'o primato puliteco-ecunomeco munniale, ca fuje assunto dinto bona parte dê State Aunite d'Ammereca. A lloro se cuntrappose ll'Aunione Suvieteca, ll'ata granne superputere forgiata dô scuntro, dinto nu tesante equilibrio giupuliteco nternazziunale ca fuje definito 'n seguito uerra fredda. 'E immense ddestruzzione d''a uerra portajeno â nasceta 'e ll'Organizzazzione d''e Nnazzione Aunite, abbenuta ô tèrmene d''a Cunferenza 'e San Francisco 'o 26 jugno 1945.