Linea 1 (Metrupulitana 'e Napule)

'A Linea 1 è na linea 'e ferruvia metrupulitana ca fa parte d''a Metrupulitana 'e Napule. Chesta cullega 19 stazzione ed è operata 'a Metronapoli.

'A linea.

Sta linea sta mmiez'a nu prucesso 'e migliora. Quanno 'e mmiglioramente sarranno fernute, 'a Linea 1 cullegarrà 26 stazziune e furmarrà n'annello circolare, ca premetterrà n'acciesso cchiù semprice ô centro cità p''a gente ca campa a Chiaiano, Piscinola e Scampia.

'A linea è stata richiammata Metrò 'e ll'Arte pe bbia 'e ll'opere d'arte cuntempuranea accunciate int'ê stazziune soje.

Storia

'A storia d''a Linea 1 accummenciaje l'anno 1963, quanno l'Ente Autonomo d''o Volturno (EAV) prupunette nu funiculare ca cullegasse 'o Vommaro cu 'o Museo. Tanno, 'o Cumitato Cumunale d''e Traspuorte decidette 'e sturià ncopp'ê bbie alternative a 'o funiculare. Aroppo nu tiempo 'e discussione, 'o 1966 l'EAV prupunette 'e custruì nu sistema 'e metrupulitana ca cullegasse Chiazza Matteotti cu Chiazza Medaglie d'Oro, tenenno a mmente a possibilità d'arrevà nzin'ô spedale ncopp'ê Colli Aminei.

Aroppo nu tiempo 'e pruggiette irregolare, 'a primma sezzione d''a Linea 1 arapette 'o 23 marzo, 1993. Chesta sezzione ca fuje fravecata 'a l'anne 80 accumminciaje 'o servizio tra 'e stazziune Vanvitelli e Colli Aminei. E a luglio 'o 1995 se stennette nzin'a Piscinola - Scampia.

Linea 1. Stazzione Chiaiano.

Int'ô 2001, se stennette 'a Vanvitelli nzin'â Museo, addò fa' cullegamento cu Chiazza Cavour int'â Linea 2 pe' bbia 'e nu luongo percorso sottoterra. Chesta se stennette a Dante, int'ô core d''o centro storico 'o 2002. Na stazzione s'arapette a Materdei 'o 2003.

'O 31 diciembre 2013 s'arapette a stazzione Garibaldi. Miezz''e stazzione 'e Dante e Garibaldi s'arapettero pure 'e stazzione 'e Università, Tuledo e Municipio. Nata stazzione s'adda arapì all' incrocio tra via Duomo e 'o rettifilo int'a chiazza 're quatt palazze.

Curiusità

• 'A linea 1 tenerrà na forma 'e doppio cerchio cumme a n'otto, ca sagliarrà 268m (trasenn'a Policlinico) ncopp''o livello d''o mare.^[1][2]
• 'O cerchio 'e sagliuta tra Salvatore Rosa e Quattro Giornate ave nu cagnamento 'e livello d''o 5,5%^[2]
• Na lungo percorso d''a Linea 1 se fà azzeccato a 'o Gurfo 'e Napule, e cocche parte è parallelo ê mmure d''a città. Cosa c''a fà cummiglià na zona archeologgecamente ricca e tanti oggette se so' truvate pe' tramente ca se facevano 'e scave. Mò sti oggette songhe parte e na mostra int'â stazzione Museo, ed se penza fà pure nu spazio int'e stazzione comme Duomo e Municipio
• 'A stazzione Duomo s'apprisentaje cu 'a possibilità e ncurpurà 'e rrieste 'e nu Tempio Rommano antico.^[1]

Vide pure

• Metrupulitana 'e Napule

Nutarelle

1. (Ngrese) Naples Metro - Metrobits.org. 2008-09-25
2. Urbanrail.net - Napoli