Lécena

La lécena (pl. lécena) è na chianda e la famiglia de le Rosaceae che preduce frutte cummeštíbbele che tiéve gle štésse nome.

Artícule scritte 'n
sud-laziale/cominése

Crassifecazzione scientìfeca
Dëminië	Eukaryota
Regn	Plantae
Sottërègn	Tracheobionta
Dëvësion	Magnoliophyta
Class	Magnoliopsida
Órdënë	Rosales
Famiglia	Rosaceae
Jènërë	Prunus
Spèc	P. domestica
Nommenclatura binommiale
Prunus domestica L., 1753

Descrezzione

È áveta da 3 a 8 m, nen tè quasce má le spine é scerisce lèšte a primavéra (marze-abbrile). Pò cambà affin'a 50 anne.

Le frunne suo obovate, dendate, pelate o che puoche pire a parte pe sotte.

Gle sciuore ghianghe náscene prima e le frunne, ngim’a le raméttera de gl'anne prima. Gle pernucce é gle cálece suo peluse. Gle sciuore jéscene a marze é puonn'èsse abbresciate da ne jèle premóteche, prò suo talmènde tande ca le lécena sarave parécchie gle štésse.

Gle frutte, la lécena, pò èsse tunne o luonghe; è pelate é chepiérte da na spèce e céra. Dénd'a gl'uosse se tròva na mánnela nnamara.

Varietà

• lécena a pemmaròla: è sòccia a la regina claudia;
• lécena e Pecenische: de chelore gialle, che cèrte macchie ressaštre quanne è fatta;
• lécena mescatèlla;
• lécena parrina: peccerélla é tonna;
• lécena pruna: ròssa, lònga, vérde é gialla;
• lécena quagliarèlla: peccerélla;
• lécena spaccarèlla: de chelore viòla.