Kazimierz Kuratowski

Kazimierz Kuratowski (Varsavia, 2 'e frevaro 1896 - 18 'e jugno 1980) fuje uno d' 'e majuri matematece pulacche.

Kazimierz Kuratowski

'A vita

Kuratowski fuje dal 1927 prufessore 'e matemateca al Politechnika Lwowska (Puletecneco 'e Lviv, 'int' Pulonia) e dal 1934 a ll'Univerzità 'e Varsavia. Int' 'o 1945 è devenuto membro d' 'a Polska Akademia Umiejętności (Accaremia Pulacca d' 'o Nzegnamento), e int' 'o 1952 di l'Accaremia Pulacca delle Scienzie. Dal 1948 al 1967 fuje direttore di l'istituto 'e matemateca 'e detta accaremia, e pe tante anne fuje pure presidente d' 'a International Mathematics Society e d' 'a rispettiva Società Matemateca Pulacca.

Kazimiertz Kuratowski fuje nu frequentatore d' 'o cèlebre Kawiarnia Szkocka (Caffé scozzese), addó 'e matematece d' 'a formidabile scola pulacca d' 'e prime decenne d' 'o XX seculo era solete incontrarse pe confrontà 'e pruprie idee.

'A recerca

'A recerca 'e Kuratowski è stata incentrata princepalmente ncopp' 'o studio 'e strutture metreche e topulogeche astratte. Nfra 'e sò numerosi contributi â matemateca vanno recordati:

• 'O studio d' 'e spazi pulacchi (ca prennono il loro nome pruprio d' 'e matematece pulacche ca li hanno studiate, comme Wacław Sierpiński, Alfred Tarski, ed appunto Kazimierz Kuratowski);
• 'A caratterizzazione d' 'e spazi 'e Hausdorff mediante 'e accusidette assiome 'e chiusura 'e Kuratowski;
• 'A dimostrazione d' 'o Lemma 'e Kuratowski-Zorn;
• 'Int' teoria d' 'e grafi, 'a cèlebre caratterizzazione d' 'e grafi planari, mediante il Teorema 'e Kuratowski pe grafi;
• L'identifecazione d' 'e coppie ordinate ${\displaystyle (x,y)}$ cu l'insieme ${\displaystyle \{\{x\},\{x,y\}\}}$.
• L'introduzione di l'algoretmo 'e Tarski-Kuratowski riguardante 'a risoluzione 'e formule aretmeteche.

Vuce currilate

• Kawiarnia Szkocka
• Alfred Tarski
• Spazio pulacco

Bibbriografìa

• Kazimierz Kuratowski, 1980, A Half Century of Polish Mathematics: Remebrances and Reflections, Pergamon Press, Oxford, ISBN 0-08-023046-6
• Karol Borsuk, 1960, On the achievements of Prof Dr Kazimierz Kuratowski in the realm of topology, in: Wiadomosci matematyczne, vol. 2, issue 3, pages 231-237

Cullegamente sterne

• (en) Na breve biografia 'e Kazimierz Kuratowski