From Wikipedia, the free encyclopedia
L' Islam (int'a alarbo : إسلام) é na religgiona monoteista. E' 'a siconda religgiona cchiù praticata cu 1,5 miliarde 'e musulmane. Spisso se penza ca chesta religgiona 'a funnaje 'o profeta Muhammad ma nun é accussì, pecché l'Islam é 'o continuo d"o Crestianesemo e 'e l'Ebraismo. Chille ca professano chesta religgiona so' chiammate musulmane (d"a parola alarba muslim). Ce stanno tanti ssette islamiche, ma 'a divisiona cchiù famosa é chella tra Sunnite (d"a parola Sunnah ca significa tradizzìona) e Sciìte.
'O libro sacro d"e musulmane é 'o Corano (ca significa recitazzìona) ca siconn"a tradizzìona, fuje rivelato a Muhammad dint'a na nuttata 'e Ramadan 'a l'Arcangelo Gabbriele (Jibril). 'E sunnite oltr"o Corano, se basano pure 'ncopp"a Sunnah. 'A Sunnah sarrìano tutte 'e ccose ca faceva 'o Profeta Muhammad (ahadith).
'A vita d"e musulmane s'abbasa 'ncuollo a cinche pilastre ca so' 'a cosa cchiù 'mportante:
'O Jihad (e no 'a Jihad comme spisso se sente dicere) è una d"e pparole ca nun veneno capite 'a tutte quante. Chistu termine nun ce sta assaje vote dint"o Corano però è na parola assaje 'mportante. Jihad letteralmente significa fatica 'ncopp"a via 'e Ddio e se divide dint"a dduje tipe deverze 'e Jihad : 'o jihad minore e 'o jihad maggiore.
'O jihad maggiore sarrìano tutte chelli ccose ca na perzona ha dda' fa' pe' sta' 'npace dint"o core e p'alluntanà 'o riavulo (shaytan).
'O jihad minore é chillo ca nun vene capito d"a gente. Chistu tipo 'e jihad pò addeventa na uerra vera e propria, e é pe' chesto ca 'a gente spisso sbaglianno penza ca jihad vò dicere uerra santa, ma nun è accussì. 'O jihad minore se fa quanno nce sta nu populo ca vene oppresso 'a n'ato e rischia 'e essere acciso perdenno 'e tradizzìone soje, accussì si chille ca attaccanno nun accettano nu trattato 'e pace, se putarrìa fa' 'a uerra, ma chesta è sulo na uerra difensiva pecchè 'o Corano stesso dice ca nun s'hanna attaccà ll'ate.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.