Wladyslaw Hugo Dionizy Steinhaus (* Jasło,4 'e jennaro 1887, † Breslavia, 25 'e frevaro 1972) matemateco pulacco, nfra 'e leader d''a accussidditta scola matemateca 'e Lviv.
Steinhaus sturiette matemateca a ll'Univerzità 'e Lviv e 'e Gottinga, addó conseguette int'ô 1919 'o duttorato 'e recerca cu 'a tesi Neue Anwendungen des Dirichlet'schen Prinzips (Nove apprecazione d''o prencepio 'e Dirichlet). Int'ô 1917 attenette a Lviv ll'autorizzazione ô 'nzegnamento e int'ô 1918 prubbecaje 'o articulo notevole Additive und stetige Funktionaloperationen. Int'ô 1920 addiventaje prufessore a ll'univerzità 'e Lviv.
Nzieme a Stefan Banach, Stanisław Marcin Ulam e ate, se accupaje de analisi funzionale.
Int'ô 1945 se trasferette a Breslavia, addó addiventaje prufessore 'e matemateca presso ll'univerzità lucale. Int'ô 1952 devenette membro 'e ll'accaremmia pulacca d''e scienzie (Polska Akademia Nauk).
Steinhaus prubbecaje cumpressivamente mmierzo 250 lavore, nfra 'e quale pure livre 'e succiesso ncopp'â matemateca comme Kalejdoskop matematyczny (1938).
Nfra 'e sturiente soje se annoverano perzunagge comme Stefan Banach, Mark Kac e Zygmunt William Birnbaum.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
