Domenico Paladino

Domenico Paladino (Paduli, 18 'e dicembre 1948), meglio noto comme Mimmo Paladino, è nu pettore nfra 'e prencepale sponente d’’a Transavanguardia, muvimento funnato 'a Achille Bonito Oliva int’’o 1980 ca affiurette nu retuorno â pettura, doppo 'e varie cchiancule cuncettuale sviluppatese int' ll'anne sittanta. Ll'opere so' situate stabbele stabbele int cierte d’’e musee nternazzionale prencepale nfra ca 'o Metropolitan Museum of Art 'e New York.

Biografía

'A primma personale suja è a Caserta, int 'o 1969. Int 'o 1978 è a New York addo tene, int ll’anno succiessivo, persunale â Marian Goodman Gallery e â Annina Nosei Gallery. Int 'o 1980 fa pparte â primma Biennale 'e Venezia suja, mmitato 'a Achille Bonito Oliva â sezzione Aperto 80, nzieme a Sandro Chia, Francesco Clemente, Enzo Cucchi e Nicola De Maria. Int 'o 1985 'a Lenbachhaus 'e Monaco 'e Baviera cumbina 'a primma espusizione arretrospettiva int no spazzio pubbreco. Int 'o 1988 è mmitato cu na gallaria personale â Biennale 'e Venezia.

Int 'o 1991 fa pparte a na granne espusizione a Praga pe ll'innaugurazione d’’o Castiello Riale, stiento restrutturato. Int 'o 1994 è 'o primmo artista cuntemporaneo taliano a tenè n'espusizione int Cina, â Gallaria Nazzionale d’’e Belle Arte 'e Pechino. Int 'o 1995 Napule 'o dedeca na granne revista int tre spazze pubbreche prestigiuse: 'e Scuderie 'e Palazzo Riale, Villa Pignatelli Cortes e int Chiazza Plebiscito addo rializza 'a suja mammorabbele Muntagna d’’o sale. Int 'o 1999 'a South London Gallery cumbina na granne espusizione int ll’ambito d’’a quale vene espusto, sotto 'a Roundhouse 'o granne cicro d’’e Durmiente; sempe int 'o stesso anno 'a Royal Academy 'e Londra 'o nzignisce d’’o titolo 'e Membro Annorario.