Cundèa d'Aluite
From Wikipedia, the free encyclopedia
La cundèa d’Aluite fòtt ne fèude de gl Rrégn de Nápele, a gl geštezierate de Tèrra de Lavòre, che nderessètt, da la fine de gl XIV sècule a gl prengipie de gl XVI sècule, gl terretòrie de ciért chemune de la Vall e Comine, a gl chembénera de la previngia e Fresenone (Aluite, Sand Renate, Settefrate, Pescenisch, Atini, Biéglemónd, Ucalue, La Pòšta é Cámbere).
Artícule scritte 'n
sud-laziale/cominése
![Thumb image](http://upload.wikimedia.org/wikipedia/commons/thumb/4/44/Castello_di_Alvito.jpg/640px-Castello_di_Alvito.jpg)
La cundèa d’Aluite fòtt cheštituita a gl prengipie da gl fèude de le prepietà terrière de gl castiégl Candèlm (o d’Aluite), ch’è na frazzione che ze tròva mbond’a gl mond Merrone, é puó fòtt ammeneštrata da le famigl d'Aquine é Candèlm che faveriérn ne ruoss spannemiénd terreteriale. Gl títele de cond fòra štate cungiéss da gl rré Durazzeschi de Nápele, tra la fine de gl XIV sècule é gl prengipie de gl XV, a gl D'Aquine, é passètt lèšt a Giácheme Candèlm, razie a la dòte de la mogl Sabbétta d'Aquine, che spesètt cchiù tard de gl 1386. La prima teštemenianza cèrta è a ogn mòde de gl 1404: sule a gl XV sècule Giácheme Candèlm vè nzegnate mbalése ngim’a na carta comm cond d’Aluite é de Puópele [1]. Da gl 1606, sott’a la segnería de la famiglia Gallie, cagnètt, che puoche cagnamiénd terreteriale, n’decate.