From Wikipedia, the free encyclopedia
'Int' â premma mmità d''o XX seculo, 'a parola Annevierzo era ausata pe riferirse ô continuum spazziotiemporale sano dint' ca asistammo, nzieme a tutt' 'a robba e 'a forza 'int' isso cuntrito. 'A scienzia ca cerca 'e ntènnere ll'Annevierzo cu tutto 'o nzieme sujo, â scàla cchiù granne pussibbele, è 'a cosmuloggia, ca se è sviluppata â físeca e 'a ll'astronumia. Durante 'a siconna mmità d''o seculo XX, 'o sviluppo d''a cosmuloggia asservativa, chiammata pure cosmuloggia fiseca, ha purtato a na spartenza d''o gnificato d''o termene Annevierzo nfra 'e cosmuloge asservative e 'e cosmuloge tioriche: 'e premme (in cennerale) lassano 'a speranza 'e putè smiccià 'o continuum spazziotiemporale sano, pe ttramente 'e seconne mantengono chesta speranza, cercanno 'e truvà 'e ccugnetture cchiù raggiunevole pe mudellizzà 'o spazziotiempo sano, cu ttutto ca ll'astremo busillo 'e truvà d''e lemmete a chiste mudelle e 'o riseco 'e scarè 'int' 'a mitafiseca.
'E termene annevierzo canosciuto, annevierzo asservabbele o annevierzo visibbele songo spisso ausate pe spiecà chella parte 'e ll'Annevierzo ca putimmo vedè in manera deretta o nderetta. Lloro ca crereno ca sia mpussibbele asservarlo tutto ponno ausà 'a 'ncurnatura 'o annevierzo nuosto, riferennose â parte canoscibbele 'a ll'essere umane.
Chista sezzione è 'ncora vota. Ajùtace a scriverla! |
'O risultato cchiù mpurtante d''a cosmuloggia, ca ll'Annevierzo se aggranne, è pruvenuto 'a ll'asservazzione d''e cagnamiente posto mmerzo 'o rosso d''e ggalassie ed è quantifecato d''a Legge 'e Hubble. Strapolanno chesta spannzzione ô areto ind'o tiempo, se mmatte na singularitate gravetazzionale, na penzata matemateca cchiuttosto astratta, ca può o meno curresponnere a nu oggetto riale. Chesta strapulazzione diedette vita â teuria d''o Big Bang, 'o mudello dummenante d''a cosmologgia all'ebbreca 'e mo. 'O tiempo zero, ca int'a teuria nzigna letteralmiente ll'abbiata d''o tiempo comme 'o canosciammo nuje, è stimmato a 13,7 meliarde 'e anne fa, cu na dubbetazione 'e sole 200 melioni 'e anne, seconno 'o tasto WMAP d''o NASA.
Na faccia funnamentale d''o Big Bang pò essere asservato ogge int'o fatto ca 'a sciortézza â quale 'e ggalassie se alluntanano è pruporzzionale â lloro luntananza. N'ata prova a supponta d''a teuria è 'a radiazzione cosmica 'e funno, 'a quale è na remmasuglia ammancata d''a radiazzione ca eppe rigene poco doppo 'o Big Bang. Chesta radiazzione 'e funno è astremamiente auneforme int tutte 'e ddirezione, cosa ca 'e cosmulogge hanno cercato 'e spiecà cu n'ebbroca 'e spanzzione lieggio (ditta nfrazzione) ca è subbeto annato appriesso ô Big Bang.
Nun se ssa si ll'Annivierzo sia fenito o nfenito 'e grannezza ed 'e volume, pure si 'a maior pparte d''e tioriche 'e mmo preferisce n'Annivierzo fenito.
Ll'annevierzo asservabbele, cumposto 'a tutto zò ca pô averce nfruenzato d''o mumento d''o Big Bang, è sicuramente fenito grazzie ô fatto ca 'a velocetà d''a luce, zoè 'a massima velocetà a ca nu fenomeno fiseco pô spannerse, è pur'issa fenita. Ll'orizzonte cosmico se truova a 13,7 meliarde 'e anne luce 'e distanza. 'A distanza affettiva 'e chisto orizzonte è però cchiù granne, pecché 'int' 'o tiempo trascorso pecché 'a luce sia arrivata nzì a nuje, chisto buordo ha cuntinuato a spannerse. Se penza ca se trove a mmerzo 50 meliarde 'e anne luce (4,7×1023 km). Chesto purtarria ca 'o volume 'e ll'annivierzo asservabbele sia 'e 5×1032 anne luce cubice (assumenno ca chesta reggione sia tunna). Ll'annivierzo asservabbele cuntene mmerzo 7×1022 stelle, organizzate 'into mmerzo 1011 (ciento meliarde) 'e ggalassie, 'e quale se reaunescono 'int' gruppe e muntone 'e ggalassie e 'int'ê supramuntone. Asservazione 'e mmo cundotte cu ll'Ucchiarone Spaziale Hubble suggerescono nu nummero ancora cchiù granne 'e ggalassie.
'O lettore avarria a fà attenzione ô punto ca sia 'e articule 'e semmanà, sia chilli 'e cosmologgia prufessionale ausano spesso 'o termene Annivierzo quanno se referescono 'n realtà a ll'annivierzo asservabbele. Chesto pecché 'e fenomene fisice 'nasservabbele songo felosofecamente irrilevante pe ll'asistenza umana.
È 'a segnà ca 'a Terra se trova, pe spieca sana, pricisomente ô cientro 'e ll'Annivierzo asservabbele. Tale assecurazione nun ha dd'éssere ammuinata cu ll'affettiva pusizione d''a Terra 'into ll'Annivierzo: ogge se penza ca ll'Annivierzo nun avije nu centro ben definito, accussì comme nisciun punto d''a suprafiggie terrestre pô dicere 'e truvarse ô centro sujo.
N'addumanna mpurtante d''a cosmuloggia pe mmo senza arrespuosta è chella d''a furma 'e ll'Annevierzo.
Pe primma cosa, accorrerria stabilì si ll'Annevierzo è chiatto, ossia rispetta 'e rreole d''a geometria euclidea ncoppa granne scala. Ô mumento, 'a maior pparte d''e cosmuloge penza ca ll'annevierzo asservabbele sia (quase) chiatto, asattamente comme 'a suprafiggie d''a Terra è (quase) chiatta.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.