From Wikipedia, the free encyclopedia
کرکوک (عربی جه: کرکوک) اتا شهر نوم هسته که کرکوک استان دله دره. اینتا شهر اسا ۱٬۲۰۰٬۰۰۰ نفر جمعیت دانّه. این شهر که خله نفت وسّه مهم هسته و بصره په دومین شهری هسته که عراق اقتصاد ره زنده دارنه. کرکوک دله کورد، ترکمون و عرب هِدی جه زندگی کانّه.
اون گادِر کوردستون اقلیم دَر بساته بییه، کرکوک ره ونه دله قرار ندانه و کوردها همیشک ونه وسّه دولت جه بحث داشتنه.
وقتی داعش جنگ شروع بیّه، وشون کرکوک ره مرکزی دولت جه بَییت بینه و کوردها وه ره آزاد هاکردنه و وه ره داشتنه و کوردستون استقلال رفراندوم دله این منطقه هم شه رای ره هدانه. ولی کمی که بگذشته ۱۶ اکتبر ۲۰۱۷ عراق ارتش و وشون شیعی متحدون جمله هاکردنه و کرکوکِ فرودگاه، نفتی مراکز، راهون، استانداری و... ره بَییتنه.
کرکوک عراق ۴۰٪ صادراتی نفت ره تامین کانده. همین باعث بیّه صدام این شهر جه کوردها ره دَر هاکرده و وشون ره زوری کوچ هدائه.
این شهر مردمون عثمانی گادِر ترکمون بینه و کمکم کوردها اینجه زیاد بَینه ولی صدام دوره وشون ره دَرهاکردنه و عربها کار وسّه کرکوک راهی بَیینه. اسا تموم این مردمون کرکوک دله درنه.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.