رنسانس
From Wikipedia, the free encyclopedia
رنسانس (انگلیسی جه:Renaissance) یا نوزایی، اتا مهم فرهنگی جنبش بی یه که آغازگر اتا دورون عملی انقلاب، مذهبی اصلاحات و هنری پشرفت اروپای دله بی یه. نوزایش عصر، گذار دورون بین میونه سده ئون و جدید دورون هسه. اولین بار، رنسانس لفظ ره فرانسوی ئون میلادی ۱۶ قرن دله کار بوردنه. نوزایش دوره شروع ره میلادی چاردهم سده دله ایتالیای شمال دله دونه نه. این جنبش میلادی پانزدهم سده دله، اروپای شمال دله ره هم فرا بیته. رنسانس، اتا ۳۰۰ ساله تحول هسه که فلورانس جا شروع بیه و انگلستان دله توم بیه.
رنسانس ۱۳۰۰ سالون دله ایتالیای جا شروع بیه و سه قرن دله اروپای سراسر دله انتشار پیدا هکرده. ندرتا اتا ئه تی دوره دله، تاریخی نظر جا متعدد دکته ئون اتفاق کفه نه.حال اونکه این قرنون اساسی تغییرات و گت فعالیتون جا سرشار هسه. امروزی جهان همین فعالیتون نتیجه هسه، چون رنسانس غرب اسایی تمدن اقتصادی، سیاسی، هنری و علمی پایه ئون ره بنا بشته. [1]
دونش و هنر گت پیشرفتونی ره ایتالیای پونزدهم و شونزدهم سده دله به وجود بی یاردنه. این فرهنگی احیا «رنسانس» (یعنی نوزایش) ره مشهور بیه. گت دانشمندون، شاعرون و فیلسوفونی ظهور هکردنه که الهام جا روم و یونان اصیل میراث جا اتا تازه تر دیدگون جا جهان ره اشانه. نقاشون انسان کالبد مطالعه ره بپرداختنه و انسان بدن اعضا ره واقع گرایانه دسوری نقاشی هکردنه. فرمونروائون ساختمانون و گت هنری کارون سفارش دانه. این تازه عقاید خله زود اروپای سراسر دله گسترش پیدا هکرده.