جویبار یا جوبار مازرون اوستان ِاتا شهر هسته که جویبار شهرستون ِمرکز هسته. جویبار ِجمعیت سال ۱۳۸۵ دله ۲۷٬۱۱۷ نفر بی‌یه.[5] این شهر قدیم «باغلو» نوم داشته و گیل‌خوران ِدهستان دله مرکز بی‌یه و قائمشهر شهرستون دله قرار گیته.
جوبار ِخجیر جائون جه امامزاده‌ئون مهدی میرهادی و صادق رضا، چیکرود ِساحل، آزان پل، خشت‌پل و کردکلایِ تـَکّه هستنه.[6]
سیاهرودِ روخنه این شهر دله جد گذرنه و بشنی وانه مازرون دریا دله.[7]
جویبار از قبله‌ور (جنوب) به قائمشهر وصل بونه از طرف درآمدن‌ور (شرق) هم وصل بونه به ساری، از ماه‌شو ور(غرب) هم چک گرنه به بهنمیر و کیاکلا، از دریاور (شمال) خرنه به خود دریا .
نوم
قدیم جویبار نوم باغلو بی‌یه و پئی‌ته وه ره گیل‌خواران گاتنه.
بعضی گانّه چون جویبار دله خله روخنه و درکا داشته وه ره این نوم هدانه.[8]
ع. پاشایی گانه جوبار دِ تا کلمه‌ی جو (از غلات) و بار بساته بیّه که فارسی ونه معنی «بار ِجو» وانه که ونه تبدیل نوم به فارسی ِکتابی ی ونه میون اضافه بیّه و جویبار بگردسته.[9]
شهرسازی وضعیت
جویبار قدیم فقط دِتا خیابون بی‌یه که میدون کشتی میدون تا امام (سپاه) جه بی‌یه و اتا دیگه اونجه جه تا آتش‌نشونی بی‌یه.[10]
جویبار ِبازار (=شهر) ات‌خله پچوک مَله‌ی جمع بیّن جه بساته بیّه. من‌جمله کلاگرمحله، سراجکلا، بالامحله، فقیه‌محله، جوان‌محله، تازه‌آباد، کردمحله و باغبان‌محله.[10] حدود ۲۷ درصد جویبار بافت فرسوده هسته.[11]
ورزش
جویبار ره «پایتخت کشتی» جه اشناسنّه و این شهر همه دوره ایران تیم ملی دله ات‌خله کاکَر دانّه. مثلاً این اواخر جویباری کاکرها جه حسن و رضا یزدانی، مسعود اسماعیل‌پور، کمیل قاسمی و... المپیک دله شرکت هاکردنه.
نگارخنه
ات دیگه روخنه
میدون امام
جوبار ِنقشه
.jpg)
منابع
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
