From Wikipedia, the free encyclopedia
بلغارسّون (بلغاری جه: България) اتا کیشور اروپای ِجنوبشرقی دله هسته. ونه نیشتنگا (=پایتخت) صوفیه هسته. این کشور ِجمعیت سال ۲۰۱۱ دله ۷٬۳۶۴٬۵۷۰ نفر بییه که هر ساله ۱٪ ونجه کم وانه. بلغارستون جمعیت ِسَره ویشترین منفی ِرشد ره دِنیا دله دانّه.[1] این کشور ِرسمیزوون بلغاری و ونه پول ِیکا لِف هسته. اینتا کیشور دله حدوداً ۸۵ درصد بلغاریتِبارنه و بقیه تورک و جوگی هسّنه. بلغارسّون ِگَتی (=مساحت) هم ۱۱۰٬۹۹۴ کیلومتر مربع هسّه که این مسئله باعث وونه اروپا دله چاردهمین گتِ کیشور بائه.
Република България بلغارستون |
||||||
---|---|---|---|---|---|---|
|
||||||
ملی شعار: اتحاد قوی کانده | ||||||
ملی سرود: خار ِوطن |
||||||
![]() |
||||||
نیشتنگا (و گتترین شهر) | صوفیه [http://toolserver.org/~geohack/geohack.php?pagename=%D8%A8%D9%84%D8%BA%D8%A7%D8%B1%D8%B3%D8%AA%D9%88%D9%86&language=fa¶ms=42_41_N_23_19_E_type:country شرقی ′۱۹°۲۳ شمالی ′۴۱°۴۲] | |||||
رسمی زوون | بلغاری | |||||
حکومت ِنوع | جمهوری | |||||
حاکمون نوع رئیس جمهور • نخست وزیر |
گئورگی پارفانوف بویکو بوریسوف (CDU) |
|||||
گتی | ||||||
- | گتی | ۱۱۰٫۹۱۲کیلومتر مربع (۱۰۴ام) | ||||
- | ئو (٪) | ۰٫۳ | ||||
جمعیت | ||||||
- | سرشماری | ۷٬۳۶۴٬۵۷۰ (۹۸ام) |
||||
- | جمعیت انبسی | ۶۸٬۹/km۲ (۱۲۴ام) | ||||
جیدیپی | (تخمین ۲۰۰۸) | |||||
- | مجموع | ۹۳٫۸۰۵ میلیارد دلار (۶۳ام) | ||||
- | سرانه | ۱۲٬۳۷۲ دلار (۶۵ام) | ||||
اچدیآی (۲۰۰۶) | ۰٫۸۳۴ (بالا) (۵۶ام) | |||||
پول یکا | لف (BGN ) |
|||||
زمونی منطقه | (جهونی ساعت+۲) | |||||
- | تابستونی (DST) | DST (جهونی ساعت) | ||||
اینترنتی دامنه | .bg | |||||
تلفن پیششماره | ++۳۵۹ |
بلغارستون قبلاً اتا سوسیالیستی کشور بییه و شرقی بلوک دله جا گیته ولی بعداً کمونیستون این کشور دله حکومِت جه دَکِتِنه و جدید ِحکومِت سال ۲۰۰۴ ناتو دله عضو بیّه و روز ۱ ژانویه ۲۰۰۷ جه اروپای اتحادیه دله قِرار بَیته. بلغارستون ِمهمترین صادرات رز ِاسانس هسته، وشون ِمشروب هم خله طرفدار دانّه، اِتی که بلغارستون مشروب ِچارمین صادرکننده جهون دله هسته، لباس، دوندی، آهن و فولاد، ماشینآلات و تجهیزات و سوخت هم این کشور جه صادر وانّه.
بلغارستون رسماً اتا سکولار ِکشور هسته اما ونه اساسی قانون دله ارتودکس ِمسیحیت سُنتی دین بنومِسته بَیّه.[2] ۷۶٪ جمعیت مسیحیت پهروو هستنه و ۱۰٪ جمعیت ره مسلمونها تشکیل دِنّه و ۱۱٫۸ درصد بیدین هستنه.[3]
بلغارستون کشورون ِرومانی، صربستون، مقدونیه، یونان و ترکیه جه سامون دانّه و شرق جه سیو دریا ره وَر خانّه.
دِتا مهم ِرشتهکوه بلغارستون ره وَر گیرنه، اتا بالکان که شمال و مرکز دله دَره و ات دیگه رودوپ که غرب و جنوب دله کَته.
سال ۱۹۹۹ جه بلغارستون ره ۲۸ استان (منطقه) تقسیم هاکِردنه.
وارنا بلغارستون ِتوریستیترین شهر هسته که اتا ساحلی شهر حیساب وانه البته این شهر پَلی بعضی تاریخی اماکن هم قِرار دارنه. بلغارستون دله قدیمی کلیسائون هم خله توریستی هستنه.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.