ایمامعلی حبیبی

ایمام‌علی حبیبی 2وهنه ما 1443طبری اتا از روستائون بابل کنارهکته. ورزش ره با لوچو شروء هکرده و بعدأ فونون کشتی ره پادگان گرگان دله سال 1464 طبری شروء هکرده و شهر قائم شهر دله زیر نظر اسکندر علی آبادی دنبال گیری هکرده. پس از قهرمونی موسابقه اینتیخابی مازرون دله در سال 1465، رقابت‌ئون قهرمونی کیشور اصفهان دله شیرکت هکرده و عونوان چارم وزن 72 کیلو ره دست بیارده. سال 1466 هم به مقوم چارم موسابقه قهرمونی ئیران برسیه ولی با قهرمونی در سال‌ئون 1467 شیراز و 1468 تهرون به عوضویت تیم میلی برسیه و عازم رقابت ئون جام جهونی در تیرکیا بیّه و وزن 67 کیلوگرم دله شیرکت هکرده که به موفقیتی نرسیه. بازی‌ئون اولمپیک 1956 ملبورن دله اوج درخشش حبیبی بی‌یه که علی رغم بیماری موفق بیّه میدال طِلا ره 67 کیلوگرم دله بیره. ایمامعلی حبیبی موسابقه جهونی تهرون دله موفق بیّه دِتا از گت کشتی‌گیرون جهون (واختانگ بالاوادزه شوروی جه و اسماعیل اوغان تیرکیا جه) ره مجموعا کمتر از سه دقیقه ضرب فنی هکنه. دوران حضورش در عرصه جهونی دله مئروف به سریعترین کشتی گیر جهون بی‌یه و در سال 1961 بوکوهاما دله موفق بیّه بالاته از موروزوف شوروی جه و کانه کو جاپون جه برای دیّمین بار قهرمون جهون بواشه. این سال دله ئیران قهرمون کشتی آزاد جهون بیّه. حبیبی با بیتن میدال طلای موسابقه جهونی تولیدو ِسال 1962 برای همیشه از کشتی کناره بیته. علاوه به 4 طلای جهون و اولمپیک، وه موفق بیّه میدال طلای بازی‌ئون آسیایی 1958 توکیو وزن 67 کیلوگرم دله ره بیره. در این رقابت‌ئون وه به کازوآبه از جاپون پیروز بیّه.همچنین وه لَقبه ببر مازرونه دارنه.

رکورد مدال

رکورد مدال
ایمامعلی حبیبی
شرکت‌کونندهٔ کشور  ایران
آزاد کشتی مردونه
بازی‌ئون المپیک
طلا	ملبورن ۱۹۵۶	۶۷ ک‌گ
موسابقات قهرمونی آسیا
طلا	تهرون ۱۹۵۹	۷۳ ک‌گ
طلا	یوکوهاما ۱۹۶۱	۷۳ ک‌گ
طلا	تولدو ۱۹۶۲	۷۳ ک‌گ
موسابقات آسیایی
طلا	توکیو ۱۹۵۸	۶۷ ک‌گ

دیگه کارون

پس از پایون دوره قهرمونی مودّتی به موربّیگری رو بیارده ولی پس از اون وارد دنیای سیاست بیّه و دوره ئی هم به عونوان نماینده مردم بابل مجلس شورای ملی دله حضور داشته. امامعلی حبیبی، چهارتا فیلم دله هم بازی هکِرده: اسپه جندِم ،ببر مازندران ، رام هکردن وحشی ِمردی ، آدم و حوا .