From Wikipedia, the free encyclopedia
ابو نصر احمد بن اسماعیل سامانی که وه ره امیر شهید هم گنه، اتا سامانیون ِامیر بییه که ماوراءالنهر دله و بخارا حوالی قدرت داشته. ونه حکومت شیش سال بییه و نوامبر ۹۰۷ تا ۱۲ ژانویهٔ ۹۱۴ میلادی دمباله داشته.
احمد سامانی
|
احمد سامانی زمونی که ونه پییر، امیر اسماعیل، امارت داشته، گرگان دله والی بییه و اسماعیل بمرده په، بمو و ونه جاسر هنیشته. وه گرگان دله هم خله موفق نیّه و جستانیون جه شکست بخرد بییه. احمد که حکومت جه رسییه، سامانیون ِسامون خله گت بئی بییه و ونه پییرِ دوره، وشون ماوراءالنهر، خراسون، گرگان، تبرستون و ری ره بئیت بینه. احمد سامانی هم عباسیون خلافت ره باج دائه و مکتفی و مقتدر ونه حکومت ره برسمیت بشناسی بینه.
احمد سامانی موفق بیّه که سیستان دله صفاریون ِباقی بموندست مناطق ره هم بیره ولی وشون سر تسلط پیدا نکرده و هر چن وقت اونجه شورش بییه. تبرستون دله هم مردم تبرستون علویون ره پشتی کردنه که سامانیون ره در هاکنن و این گدر گت ناصر (ناصرالحق اطروش) وشون داعی و حاکم بیّه و تبرستون ره آزاد هاکرده. احمد خاسته بخارا جه لشکر بکشه و ناصرِ شورش ره دخاسنه و وه ره تهدید هاکرد بییه که «تبرستون ِخاک ره شه همراه وَرنه بخارا» ولی هنتا بخارا جه خله دیر نئی بینه که ونه غلومها، خو دله وه ره بکوشتنه.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.