دریو From Wikipedia, the free encyclopedia
پارس دریامونا ئوراهی هسه که امتداد مکران دریامونا دره و میون ئیرون و شبه جزیره عربستون قرار دارنه. نوم تاریخی اینتا شاخاب، زوون‌ئون مختلف ترجمه عبارت «پارس دریامونا» یا «شاخاب پارس» بی‌یه. اینتا قسمت از دریائون عموما پارس دریامونا نوم دانّه[۱]
پارس دریامونا 
|
مساحت (گتی) وه ۲۳۳٬۰۰۰ کیلومتر مربع هسه و پس از مکزیک و هودسن سومین گت خلیج جهون به شمار انه. فارس دریامونا شرق جه از طریق تنگه هرمز و عومان دریا به هند اقیانوس و عرب دریا راه دارنه، و غرب جه به دلتای اروندرود ِروخنه، که حاصل پیوند دِ روخنهٔ دجله و فرات و دکلستن روخنه کارون به وه هسه، ختم بونه.
کشورون ایران، عومان، عیراق، عربستان سعودی، کویت، امارات متحده عربی، قطر و بحرین کناره فارس دریامونا درنِه.
به خاطر دیّن منابع نفت و گاز فارس دریامونا و ونه سواحل دله، اینتا ئوراهه سطح بین‌المللی، منطقه‌ئی دله مهم و راهبردی به شمار انه.
زمین‌شناسون معتقدنه که حدود پونصدهزار سال پیش، صورت اولیه فارس دریامونا کنار دشت‌ئون جنوبی ایران تشکیل بینه و به مرور زمون، بر اثر تغییر و تحول ساختار درونی و بیرونی زمین، شکل ثابت کنونی شِه خِد ره پیدا هكرده.
اینتا خلیج توسط تنگه هرمز به عومان دریا و از طریق وه به رهاء دریائون مرتبط بونه. جزایر مهم وه عبارتنه از: قشم، بحرین، کیش، خارک، ابوموسی، تنب بزرگ، تنب کوچک و لاوان که تمومی وشون به جز بحرین ایران شنه.
فارس دریامونا و سواحل وه معادن سرشار نفت و گاز دارنه و مسیر انتقال نفت کشورون ئیرون، عیراق، کویت، عربستون و امارات متحده عربی هسه، و به همین سبب، منطقه‌یی مهم و راهبردی به شمار انه. بندرون مهمی حاشیه فارس دریامونا وجود دارنه که از وشون توممی بندرعباس، بوشهر، بندرلنگه و بندر ماهشهر ایران دله و شارجه، دوبی و ابوظبی ره در امارات متحده عربی و بندر بصره عراق دله ره نوم بوردن.
فارس دریامونا اصلی‌ترین نوم و نومی هسه بر جا بموندسته از کوهن‌ترین منابع، چون که از سده‌ئون پیش از میلاد سر در بی‌یارده و با پارس و فارس -نوم سرزمین ایران ملت- گر بخارده.[۲]
کوهن‌ترین نومی که از فارس دریامونا وجود دارنه نامَرتوهسه که کتیبه‌ئون آشوری دله جا بمونسته. فلاویوس آریانوس سدهٔ دوم میلادی دله شِه آثار دله فارس دریامونا ره پرسیکون کاای تاس که فارس ِدریا معنا دنه استفاده هكرده. تا پیش از دهه ۶۰ قرن بیستم میلادی، عربی کشورون از عبارت فارس دریامونا شِه مکاتبات رسمی دله استفاده كاردنه.[۳][۴]
Seamless Wikipedia browsing. On steroids.
