From Wikipedia, the free encyclopedia
اسفندیار اتا ایرانی اسطوره نوم هسته که شاهنومه دله هم ونه داستان‌ها دَره. وه اتا شاهزاده بی‌یه که زرتشت وه ره اتا ئو دله غسل هِدا، وه غسل گادِر شه تموم جائون ره ئو هِکشی‌یه ولی یاد بَکارده شه چـِش ره وا هاکنه و ئو همینسه ونه چش دله نشی‌یه. این کار ِپه اسفندیار ِتموماً «رویین تن» و ضدضربه بیّه مگر ونه دِتا چشون. این داستان البته شاهنومه دله دَنی‌یه چون شاهنومه ره اسلامی دوره بنویشتنه ولی فردوسی اسفندیار ره همه جا رویین تن خوندِنه.
اسفندیار .png)
|
اسفندیار شه وسّه ات‌سری هفت‌خوان دانّه و ارجاسب جه جنگنه و پیروز وانه ولی ونه پییر، گشتاسپ، که ترسنه ونه ریکا ونه جا ره بَییره، وه ره زندونی کانده. گشتاسپ آخرسری وه ره مأمور کانده که رستم ره سیستان جه بیاره و وه شونه رستم پَلی تا وه ره شه همراه بیاره ولی رستم قبول نَکانده و همینسه مجبور وانّه هِدی جه جنگ دَکفِن. این جنگ دَرون سیمرغ رستم ره یاد دِنه که چـِتی اسفندیار ره بَکاشه. رستم اتا مخصوص ِتیر سازِنه و دیر ِراه جه زنده اسفندیار ِچــِش دَرون و وه اینتی یَنّه.
اسفندیار ِبَمِردِن په، رستم ونه ریکائون ره گت کانده. اسفندیار ریکائون نوم این داستان‌ها دله نوش‌آذر، مهرنوش و بهمن هسته.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
