هفتگی بنویشته
![Thumb](http://upload.wikimedia.org/wikipedia/commons/thumb/6/66/Cricketer_bowled.jpg/640px-Cricketer_bowled.jpg)
کِریکِت اتا گروهپشتی ورزش هسته. این ورزش ره قرن شونزهم میلادی هندستون دله بساتنه ولی خله سال بکشییه که ونه قوانین اینتی بوون که إسا کا کنّه. کریکت ویشته مشترکالمنافع کشورون اتحادیه دله مردمِ دِلِوست هسه.
کریکتزمین قایده تونده خله فرق داره؛ مثلاً لندن ِگتِ استادیوم که «لورد» نوم دارنه، ۲.۲ هکتار گتی دارنه یا ونجه ویشته، ملبورن کریکتزمین واری استادیوم هم دره. ولی این کا ره بنشنه پچیکته و خورد بنه درون هم بازی هاکردن. بنه ونه چمن بوئه و ونه دور ره خط کشنّه که کایِ هَند-حریم میّن بوئه. زمین وسط اتا شر ره خاکی ساجنّه که اصلی کا اونجه هسته و ونه دور چمن هسه که فرعی کاکرون درنه. خاکی بنه دِ وَر ویکت کته.
ویکت (wicket) اتچی هسته که زمین دله دِکاشت وونه و چنتا قسمت جه تشکیل وونه: اتا سه پایه چو (stumps) هسته و ونه سهتا پایهئون ۲۸ اینچ (۷۱٫۱ سانتیمتر) بلندی دارنه و وشون کلفتی یکإندا (حدود ۱٫۲۵ اینچ قطر) هسته. وشون وسط إتندهچی فاصله یلنه که توپ نتونده وشون وسط جه رد بوو. دِ تیکه چو هم درنه که وشون ره قــَـیِّم (bails) گنّه و اینان هرکمین ۴٫۳۷ اینچ (۱۱٫۱ سانتیمتر) اندازه دارنه و سهپایه چویِ سر وشون ره کار إلنه. قیّمها خله کلفت نینه. سرجمع ویکت ۹ اینچ (۲۲٫۸۶ سانتی متر) پهنا دارنه. زمین دله دِتا ویکت یلنه که هرکمین پَلی اتا ضربهزن (batsman) إستا که ونجه دفاع هاکنه و أتا مهاجم (bowler) هم دره که خانه ویکت ره حمله هاکنه. تقریباً وشون دِتا، زمین وسط و انتها، دیم-به-دیم قرار دارنه. پایهئون وَر جه اتا اسپه خط کشنّه که میّن کنده ضربهزن و مهاجم کجه-کجه تونّه شه کار ره انجام هادن و اگه هر مرحله شه حریم جه یور بورن، خطا وونه.
هر تیم اتا کاپتان دارنه. دِتا داور زمین دله درنه که اتاشون مهاجمِ ویکتِ پشت إستنه و اتی دیگه فاصلهی پونزده یاردی جه إشنه که هچکی خطا نکنه. دِ نفر هم درنه که امتیازها ره نویسنّه که یاد نشو. کاکرونِ أرمون این هسته که وشون تیم دستهای ویشتری ره برنده بوو. داور اول شیر-خط کشنه که میّن هاکنه کمین تیم شروع هاکنه...
دمباله
تلمبار
هوجیبئی
هفتگی عکس
رودخان ِقلعه اتا تاریخی بنا هسته که فومن شهرستان دله کته. این قلعه تاریخ ره ساسانیون جه رسننّه ولی ونه بنا ره اسماعیلیون نوساجی هکردنه و ای صفویون گدر، گیلون ِمحلی شاهون وه ره قائم داشتنه.
امروز واری روز
امروز جمعه، ۳۰ آگوست ۲۰۲۴ میلادی برابر ۹ کِرچه ما ۱۵۳۶ تبری هسته.
![Thumb](http://upload.wikimedia.org/wikipedia/commons/thumb/2/26/Flag_of_East_Timor.svg/640px-Flag_of_East_Timor.svg.png)
- ۳۰ پیش از میلاد - کلئوپاترا مصر ِملکه، که نخاسته روم ِشائون وه ره دستگیر هاکِنِن، اتا سمّی مَر جه شه ره بَکاشته.
- ۱۸۷۱ - ارنست رادرفورد، نیوزلند ِهستهای فیزیکدون دنیا بموئه.
- ۱۹۴۰ - جوزف جان تامسون، انگلیسی فیزیکدون، بمرده.
- ۱۹۸۱ - اتا بمبگذاری سَره ایران ِهئت دولت جلسه دله، محمدعلی رجایی، رئیسجمهور و محمدجواد باهنر، ونه نخستوزیر، بمردنه.
- ۱۹۹۹ - شرقی تیمور ِمردم (پرچم وشون ِشِنه) اندونزی جه سِوا بَیّن وسّه اتا رفراندوم دله رأی هِدانه.
روز بعد: ۳۱ آگوست – روز قبل: ۲۹ آگوست
خـَوِرون
![Thumb](http://upload.wikimedia.org/wikipedia/commons/thumb/9/9c/2024_Summer_Olympics_text_logo.svg/90px-2024_Summer_Olympics_text_logo.svg.png)
- پائتونگتارن شیناواترا تایلند نخستوزیر بیه.
- پاریس ۲۰۲۴ المپیک: محمدهادی ساروی، مازرونی کشتیگیر، فرنگی ۹۷ کیلوگرم وسه المپیک طلا ره بیته. امیرحسین زارع ، حسن یزدانی و رحمان عموزاد هم نقره مدال بیتنه.
- بنگلادش دله شورشیون نخستوزیر ره مملکت جه درهاکردنه و محمد یونس ره ونه جا هنیشنینه.
- ویاناد وسیه دله، هند ۳۱۸ نفر آدم بمردنه و ۲۲۰ نفر سر حلا گوم هسته.
- اسماعیل هنیه، حماس رئیس، که بمو بییه ایران و خامنهای و پزشکیان جه گپ بزو بییه، ترور بیّه و بمرده.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.