کامیکازه
From Wikipedia, the free encyclopedia
کامیکازه (جاپونی جه: 神風؛ تحتاللفظی معنی: خدایِ وا) کلمهای هسته که ونه منشأ جاپون جوئه. این کلمه اتا جاپونی تیفون جه بییته بیّه که باعث رِقد هدائن موغولی کشتیئونی بیّه که قرن سیزدهوم میلادی گادر خاستنه جاپون ره حمله هاکنن. غربیئون فرهنگ دله، کامیکازه جاپونی خلبونهایی ره بائوته وونه که شه جان جه بگذشتنه. وشون جاپون امپراتوری و سالئون آخر جهونی جنگ دوم، خارجی کشتیئون حمله سَره شه ره کاشتنه. کامیکازه دیگهٔ انتحاری حملات ره بئوت هم وونه.
البته جاپونیها شه کلمهٔ توکوبتوس کوگکی تای (特别攻撃队) جه استفاده کاردنه که به تحتاللفظی معنی «واحد ویژهٔ حمله» هسته و به صورت مخفف توکوتای (特攻队) استفاده بییه. انتحاری حملات حاصله هوایی نیروی جا ره شینپو توکوبتوس کوگکی تای (神風特別攻撃隊) نومستنه. کامیکازهٔ کلمهٔ استفاده بئی په توسط امریکایی مترجمون، خادی جاپونیها هم تدریجا این کلمه بَوردن ره شورع هاکردنه.