From Wikipedia, the free encyclopedia
ویکیپدیا (انگلیسی جه: Wikipedia) نوم اتا ترکیبی واژه هسّه که ویکی (وبگاه مشارکتی) و انسیکلوپدیا (دانشنومه) واژهئون جه بَیيته بيّه.
![]() | |
![]() ویکیپدیای تموم زوونهای گتِ صفحه | |
گونه وبگاه | اینترنتی دانشنومه |
---|---|
مالک | ویکیمدیا |
وبگاه | |
تجاری؟ | نا |
وضعیت کنونی | فعال |
شاپا | شابلون:ISSN link |
ویکیپدیا اتا دانشنومهای هسّه که داوطلبون ِکایری (=همکاری) جه بنويشته وانه و ونه مقالات ره هر کس تونده دَچینه (=ویرایش هاکنه) یعنی که همه تونّه ونه مقالات ره بنویسن و دَچینن.
کسونی که این سایت دله نویسنّه درواقع درنه سعی کانّه که شِه همزبونون ره کومک هاکِنن تا اتا جهونی دانشنومه، که گتترین دانشنومه دنیا دله هسته، ره شه زبون جه وردگاردنن (=ترجمه هاکنن).
البته این بنویشتهئون و دچییهئون ونه ویکیپدیای قوانین پهروو بائه. هرچی اینجه بنویشت وونه، حکماً ونه بیطرفانه و بی کپیرایت و.. بائن.
گشت بزوئن و چک هاکردن این که دیگرون اتموقع سوءاستفاده نکنن یا مقالات ره دست نَوِرِن یا خراب نکنن ره هم، اَی همین داوطلبون انجام دِنّه. البته کارورونی که وشون تجربه ویشته هسته، تونّه کمکم دسترسیهایی بَیرن که ویکی جه برسیین ره راحتته کنده.
ویکیپدیا اتا مشارکتپذیر ِپروژه هسته و ونه کارورون سراسر جهون جه هستنه. هرکسی تونده ونه رشد وسّه کومک هاکنه. هیچ اجباری هم داوطلبون وسّه وجود ندانّه که اتا کار ره انجام هادن و همهچی ره شه دِلِوِس انجام دِنّه، ولی اگه ات کار هاکنن که قوانین پهروو نوو، دیگه کارورون تونّه ونه دچی ره پهدچینن و وردگاردنن.
ویکیپدیا دله اونچی که دِرِست هسته و ونه درست بیین ثابت بیّه ره انجام دِنّه؛ نا اونچی که دموکراسی حکم هاکنه. چون رایگیری بتونده اتا فاحش ِاشتباه ره دِرِست سِراق هاده ولی اجماع دله فقط اونچی که دِرست هسته، مَیِّن وانه.
ویکیپدیای اصلی هاسِت شهر تامپای فلوریدا دله دره. ولی شهرون آمستردام و سئول دله هم کومِکی هاست دره.[1]
انگلیسی ویکیپدیا اولینکَش، ۲۵ دی ۱۳۷۹ بنويشت بيّه. اسا ویکیپدیای پروژه ره اتا غیرپولی مؤسسه که ونه نوم ره «ویکیمدیا» گننه، پِشتی کنده. [1] ویکیپدیایِ ولگهئون و صفحات سالنومه، جوغرافیایی اطلس و دایرهالمعارف جه الگو گیرنه. ونه اَرمون و هدف این هسته که جهونی بساجه که ونه دله آزاد اطلاعات و دانشنومه تموم زوونها جه همه دَست برسه و همه تونن ونه سر کایری و مشارکت هاکنن.
ویکیپدیا خله زوون ره پشتی کنده و اکثرِ گتگتِ زوون جه سایت دارنه ولی اینان زوونها هئی جه وصل نينه و شهسر داخلی استقلال دارنه. فقط کلّی سیاستون (وپ:پنج واری) هستنه که همه جا اتجور اجراء وونّه و ویکیپدیائون اینانسر همباز هستنه.
البته کاملاً هئی جه سیوا نینه و هر ویکیپدیایی دیگه زوونها جه لینک دِنه. وشونِ عکس-فیلمِ تلمبار اتا جا همبازی هسته یا طبقهبندی هاکرد اطلاعات ره تونّه اتا مشترکِ مخزن جه درهکشن و…
ویکیپدیایِ هر زوونی اتا اختصاری کُد دارنه که زوونِ نوم سر جه بهیت وونه. مثلاً مازرونی زوون کد mzn هسته. فارسی کد fa و انگلیسی کد en و گیلکی کد glk هستنه. این کد سر جه اون ویکیپدیایِ آدرس میّن وونه. مثلاً مازرونی ویکیپدیا آدرس https://mzn.wikipedia.org هسته.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.