From Wikipedia, the free encyclopedia
نوبلِ شیمیِ جایزه (سوئدی جه: Nobelpriset i kemi) اتا جایزه هسته که هر ساله سوئد سلطنتی علوم آکادمی بتترین شیمی ِدانشمندون ره دِنه. این جایزه اتا از پنجتا نوبل جوایز هسته که آلفرد نوبل وصیت وسّه، هدا وونه. این جایزه ره هر سال، ۱۰ دسامبر که آلفرد نوبل ِبمردن روز هسته، استکهلم دله، برندهها ره دنّه.
شیمی اولین جایزه ره سال ۱۹۰۱ یاکوبوس فانت هوف، هلندی شیمیدون، بَوِرده. حلا ۲۵ نفر که این جایزه ره بیتنه، کربندار شیمی (آلی) رجه دله تحقیقات کردنه. ریچارد کوهن (۱۹۳۸) و آدولف فریدریش بوتنانت (۱۹۳۹) دِتا دانشمندی هستنه که وشونِ کشور، نازی آلمان، اجازه ندائه که شه جایزه ره بیرن. فردریک سانگر (سالهای ۱۹۵۸ و ۱۹۸۰) و کارل شارپلس (سالهای ۲۰۰۱ و ۲۰۲۲) هم دِ نفری هستنه که هرکمین دِ صوه برنده بَینه. البته ماری کوری (فیزیک ره سال ۱۹۰۳، شیمی ره سال ۱۹۱۱) و لینوس کارل پاولینگ (شیمی ره سال ۱۹۵۴، صلح ره سال ۱۹۶۲) هم دِ کَش جایزه بیتنه ولی وشون ات دیگر جایزه ره شیمی رشته جه نئیتنه. سالهای ۱۹۱۶، ۱۹۱۷، ۱۹۱۹٬۱۹۲۴، ۱۹۳۳، ۱۹۴۰، ۱۹۴۱، و ۱۹۴۲ میلادی، هچکی جایزهای نئیته و برنده نداشتنه.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.