From Wikipedia, the free encyclopedia
سَنگاپور اتا پچوک ِکشور هسته که آسیایِ جنوب‌شرقی وَر دَره و ونه نیشتنگا نوم هم سنگاپور هسته. سنگاپور مالایایِ جزیره مونایِ جنوب دره و آسئان ِپچوکترین کشور هسته. تنها همسایه‌ئون سنگاپور مالزی و اندونزی هستنه.
Republic of Singapore سنگاپورِ جمهوری سنگاپور |
||||||
|---|---|---|---|---|---|---|
|
||||||
| ملی شعار: پیشی بور؛ سنگاپور | ||||||
| ملی سرود: Majulah Singapura |
||||||
.svg) |
||||||
| نیشتنگا | سنگاپور (شهر) | |||||
| گت‌ترین شهر | سنگاپور | |||||
| رسمی زوون | انگلیسی، ماندارین، تامیل، مالایی | |||||
| حکومت ِنوع | جمهوری | |||||
| حاکمون نوع رئیس جمهور نخست وزیر |
تونی تن لی هسین لونگ |
|||||
| موارد منجر به تشکیل مالزی جه |
۹ اوت ۱۹۶۵ | |||||
| گتی | ||||||
| - | گتی | ۷۱۸.۳کیلومتر مربع (۱۹۰ام) | ||||
| - | ئو (٪) | ۱٬۴۴۴ | ||||
| جمعیت | ||||||
| - | سرشماری | ۵٬۲۹۳٬۰۰۰ (۱۱۴ام) |
||||
| - | جمعیت انبسی | ۶۸۱۴/km۲ (۳ام) | ||||
| پول یکا | دلار (SGD) |
|||||
| زمونی منطقه | SST (جهونی ساعت+۸) | |||||
| اینترنتی دامنه | .sg | |||||
| تلفن پیش‌شماره | +۶۵ | |||||
سنگاپور شمال خط استوا قرار دانه و خله پولدار و مدرن هسته. سنگاپور اتا از ۳تا کشور-شهرون مستقلی هسته که دنیا دله رسمیت دارنه. دنیایِ چارومین اقتصادی مرکز، قُمار و کازینوی ِدومین گتِ بازار و پالایش نفت سومین مرکز این شهر دله دَرنه و همینسه سنگاپور پیشرفته‌ترین و پولدارترین کشورون جه هسته.
این منطقه قدیم مالزی ِماهیگیری وسّه استفاده بی‌یه. سنگاپور سال ۱۸۲۴ جه تا ۱۹۶۳ میلادی، بریتانیا مستعمرات جه بی‌یه. سال ۱۹۴۲ سنگاپور، که هنتا بریتانیا مستعمره بی‌یه، ره جاپون بییته و بریتانیایی نیروئون فِرار هاکردنه که وینستون چرچیل وه ره شه کشور ِگتترین ننگ نومِسته. سال ۱۹۴۵ میلادی سنگاپور ره دِباره بریتانیا بَییته. هیژده سال بعد، سال ۱۹۶۳، سنگاپور بعنوان اتا منطقه که مالزی فدراسیون دله دَوو، شه استقلال ره بریتانیا جه بَییته. این کشور نهایتاً دِ سال بعد، سال ۱۹۶۵ میلادی یا ۱۴۷۷ مازرونی سال، مالزی جه سِوا بیه و اتا جدیدِ کشور بگردسته.
قدیم‌تاسا چین، اندونزی، مالزی و هند جه مردم کوچ هاکردنه سنگاپور و وشون فرهنگ اینجه باقی هسته. قرون معاصر چینی مردمون ویشترین جمعیت ره این منطقه پیدا هاکردنه و اسا ۷۵% مردمون ماندارین زوون جه گپ زنّه. چینی هِمرِکِت؛ انگلیسی، تامیلی و مالایی هم این شهر دریم رسمی زوون هستنه. ولی مدارس دله و ادارات زوون فقط انگلیسی هسته.[1]
بوداییون این کشور دله ۳۳% جه ویشترین جمیعت ره دارنه و مسیحیون ۱۸% جه، بی‌دینون ۱۷٫۸% جه، مسلمون‌ها ۱۴٫۶% جه و تائوئیسم ۸٫۵% و هندوئیسم ۴% جه باقی ادیانی هستنه که سنگاپور دله وجود دارنه.[2] [3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
