From Wikipedia, the free encyclopedia
رجب طیب اردوغان (ترکی جه: Recep Tayyip Erdoğan) (بزائه ۲۶ فوریه ۱۹۵۴) ترکیهای سیاستمدار هسته که اینتا کشورِ نخستوزیر و رییسجمهور بییه. وه ۱۴ مارس ۲۰۰۳ به عنوان این کشور ِبیست و هفتمین نخستوزیر انتخاب بیّه. وه آک پارتی ِرهبر هم هسته. مرداد ۱۳۹۳، اردوغان بتونسته بیش از ۵۰ درصد آرا جه ریاستجمهوری ِاولین انتخابات دله پیروز بَووشه و ترکیهی ِدوازدهمین رییسجمهور بگرده ولی اتا رفراندوم جه اساسی قانون ره تغییر هدا که شه ره قدرت دله حفظ هاکنه.[5]
اردوغان استامبول دله دنیا بموئه. ونه خانواده گرجی مهاجرون جه بینه که باتومی جه بموبینه (وه این قضیه ره شه گرجستون ِسفر دله سال ۲۰۰۴ اعلام هاکرده[6] اردوغان اتا مذهبی مدرسه دله به نوم ایمام خطیب و اقتصادی عالی مدرسه و تجاری آکسارای که بعداً به علوم اقتصادی و اداری دانشکده ِمرمره دانشگاه تغییر نوم هدائه، تحصیل هاکرده وه ات گدر هم اتا محلی فوتوال تیم دله بازی کارده.
وه استانبول حمل و نقل اداره دله کار کارده. وه سال ۱۹۸۰ شه رئیس تقاضا ره ریش بنه هاکردن سه رد هاکرده و استعفاء هدائه.[7]
اردوغان ۴ جولای ۱۹۷۸ امینه اردوغان جه ازدواج هاکرده و چارتا وچه، دِتا ریکا و دِتا کیجا دانّه. وه غیر از ترکی به هیچ زوونی نتونده گپ بزنه.[8]
وه اواخر دهه ۱۹۷۰ حمل و نقل استامبول دله شروع به کار هاکرده. وه اون گدر ملی رستگاری ِحزب دله دیییه. پس از اونکه حزبی سیستم دِباره سال ۱۹۸۳ احیا بیّه. وه بورده رفاه حزب دله. سال ۱۹۹۱ رفاه حزب دله رایئون ِدَه درصد ره بییته و بورده پارلمون دله.
اردوغان اولین کَش روز ۱۴ مارس ۲۰۰۳ کشورِ نخستوزیر بیّه و اون گدر ترکیهیِ بیست و سومین پارلمون، عبدالله گل که پیش از وه نخست وزیر بییه، ره بییشتنه که رییس جمهور بوو. اردوغان سه دوره نخستوزیر بموندسته تا ۲۹ اوت ۲۰۱۴ کنار بکشییه و احمد داوداغلو ونه جاسر هنیشته ولی اردوغان سریع بورده رییسجمهور بیّه و عبدالله گل ره درهاکرده. وه ۹ جولای ۲۰۱۸ به این وَر جه شه ریاست جمهوریِ اختیارات ره ویشته هاکرده و این گدر تاسا دیگه ترکیه دله نخستوزیر ندارنه و رییسجمهور همهکاره هسته.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.